За разлика од многу други клубови и особено репрезентации кои „мува не ги лази“ за нивните легенди, европскиот шампион ПСЖ мисли на нив.

Додека „Камп Ноу“ уште се реновира и ќе се реновира најмалку до зимава, Барселона реши наместо на Олимпискиот стадион „Монжуик“ каде играше цела мината сезона, овојпат да игра домашен натпревар на стадиончето „Жорди Кројф“ каде игра втората екипа и младинците.

БиБиСи во својата емисија Натпревар на денот (Match of the day) еднаш месечно ги бира најубавите погодоци на месецот во Премиер лига. Овојпат Доминик Собозлаи од Ливерпул е добитник на вредното признание кое ќе го памети.

Интересна статистика поткрепена со видео објави админот задолжен за социјалните мрежи на Премиер лигата. Ливерпул да ти бида прва екипа со четири победи по ред, остварени во последните 10 минути во првите четири кола сезонава.

На фудбалерите на ЦСКА Софија позицијата од пола терен им е коњак за давање голови во последно време. Пред две недели проектил упати извесен Ето, а викендов на мечот против Септември од уште подалеку се отвори Делова и тоа онака лабаво, бековски.

Директните мајсторски голови од корнер, цел живот ќе не потсеќаат на наш Артим Шаќири. Без старца, нема ударца, вели Анхел Ди Марија на 37 години во дресот на Розарио. Големото лично задоволство му успеа против Бока Јуниорс. Од три агли го имате.

Само пет дена откако славеше роденден, Лука Модриќ си го направи ќеифот и го постигна првиот гол за Милан за победа над Болоња од 1:0. Стана најстар стрелец меѓу играчите од среден ред во историјата на Серија А и петти играч со минимум 40 години.

Италијанскиот голман беше еден од најзаслужните што ПСЖ конечно го оствари сонот и минатата сезона ја освои Лигата на шампионите. Сега премина во Манчестер Сити а вечерва на големото дерби против вечниот градски ривал Јунајтед имаше фантастична парада. Сити води 2-0 со головите на Фил Фоден во 18-та минута и на Халанд во 53-та.

Волфсбург и Келн приредија луда драма, која заврши 3:3 и тоа со 3 гола во судиско. 91 минута - 2:2, 99-та минута - 3:2, 104 минута - 3:3. Одиме со страшниот погодок на Максимилијан Арнолд. Не се брани ова.

Енис Барди го запиша вториот погодок за Коњаспор во новата сезона на четвртиот првенствен натпревар. Капитенот на Македонија одлично се снајде во шеснаесетник и го израмни резултат против Аланијаспор на 1:1 во 51 минута. Сепак гостите во 79 минута ги поставија конечните 1:2.

Дербито на Италија понуди спектакл во 3. коло од Серија А со 7 гола. Јувентус го совлада Интер со 4:3 и тоа со деби гол на Василије Аџиќ, дете родено 2006-та. Гостите имаа предност од 2:3 до 76 минута со двата прекрасни погодока на Чалханоглу и еден на Маркус Турам. Но, во 82-ра минута резултатот го израмни брат му Хефрен Турам, а потоа финишот во 91-ва минута беше лудило.

Баер Леверкузен го смени Тен Хаг и победи во 3. коло од Бундеслигата со 3:1 против Ајнтрахт Франкфурт. Дебито на новиот тренер Каспер Хјулманд го разубави Алекс Грималдо со два прекрасни гола од слободен удар, што е реткост во фудбалот.

Илија Несторовски уште го има осетот за гол без разлика што не го гледаме повеќе во дресот на Македонија. Погледнете го лобов на прва на мечот против Истра за триумф на Славен Белупо од 2:1. Фантастична завршница.

Го имаме ли врвот на сите промашувања и глупирања пред гол?

Италијанците отсекогаш правеле шоу од фудбалот по телевизии, пред, после и за време на натпревари. Налетавме на клипче со Пол Гаскоњ од времето кога играше за Лацио, кој го најавува првото издание на Газета Спорт Фудбал Италија. Времиња.

Има ли друг фудбалер на планетава кој игра вака фудбал на 38 години?

Џанлуиџи Донарума во Манчестер Сити се решил за бројот 25, бидејќи на тој датум дебитирал во Серија А и плус тогаш се родендените, негов и на девојка му. Сам правеше мајтап за англискиот.

УЕФА го издвои голчиштето на Елмас против Лихтенштајн на социјалните мрежи, но доби и коментар од авторот на мајсторијата, која од нејасни причини му беше препишана на голманот како автогол.

Неговата независна забелешка е дека во најдобриот фудбалски тим во Македонија треба да има место за Драгослав Шекуларац, кој, запомнете е роден во Штип, а неговата мајка е Македонка.

Најголемата ѕвезда на Барселона и легитимен наследник на вечниот Лионел Меси на „Камп Ноу“, младиот Ламин Јамал вели за својата мајка дека „е негова кралица и дека е она што секое дете може да посака“. Раскажал и како се чувствувал кога татко му го избоделе на улица.

За тоа колку бил силен Вардар во времето на Дарко Панчев, внимавајте на следниов податок: Во пет сезони (1983-1988), Вардар дома на 85 првенствени натпревари во времето на Југославија, имал само 5 порази. Јужна крцала, кафаните полни пред натпревар. Главна тема на муабет бил Вардар.

Европската куќа на фудбалот (УЕФА) на неколку дена пред стартот на новата сезона во Лига на шампиони, Лига Европа и Конференциска лига, објави дека воведува ново правило кое ќе им олесни на екипите.

Манчестер Јунајтед конечно се ратиса од голманот кој им кинеше живци на навивачите. Андре Онана отиде во Трабзонспор во Турција а таму му снимија и интересно видео по турските вилаети.

Хрватскиот маестро кој остави зад себе историја во Реал, тешка за повторување, наполни 40 години. Милан му го разубави со торта, но и со изненадувачко видео. Тој има само една желба, а тоа е трофеј со новите соиграчи.