Во првото коло од новата сезона на Лига Европа Фрајбург го пречека швајцарски Базел. Ова е натпревар на соседни градови, блиски градови чии жители често ги посетуваат едниот и другиот град. Од аеродромот во едниот град до аеродромот во другиот град има 57 километри, далеку помалку колку што има дури и меѓу некои германски бундеслигаши, па затоа овој дуел го добил името „Дербито на аеродроми“.

Интер Мајами лесно го совлада Њујорк на гости со 0-4 ама лесно е кога го имаш најголемиот во состав. Лионел Меси прво му асистираше за гол на Родригез а потоа постигна два мајсторски гола со кои заслужено ја собра титулата МВП на колото. За светскиот шампион ова е петти гол на последните три дуели во МЛС лигата а има и три асистенции и игра во одлична форма.

Во Сежана, градче во близина на Трст, почнат е револуционерен експеримент, благодарение на групно финансирање. Со влог од 250 евра, секој може да стане дел од клубот во кој работат сериозни ликови. Потоа имаат право да дадат мислење за играчи, па дури и дивиденди се делат.

Познатиот шпански клуб Селта Виго зареди пет резултати 1:1 по ред и стана само трета екипа во историјата на шпанскиот фудбал која имала таков учинок во текот на една сезона.

Елиф Елмас полни 26 години. „Дијамантот“ е роден во Скопје на 24 септември 1999-та. Како вчера да беше неговиот прв настап за Македонија против Шпанија, на 11 јуни 2017-та. Кој беше на Градски, знае колку голем впечаток остави на дебито, како 17 годишен талент на Работнички кого го биеше голем глас. Мрме го пушти во игра на полувреме, на местото на Остоја Стјепановиќ. Немаше нит страв, нит пардон кон ѕвездите. Се роваше и добиваше дуели со Иниеста, Бускетс, Иско...

Ливерпул многу потешко од очекувањата го совлада Саутемптон 2:1 и се пласираше во следна фаза од англискиот Лига Куп. Арне Слот го измеша составот а шанса да стартува од почеток имаше рекордно најскапото засилување на црвените, Александар Исак. Шведскиот центарфор го постигна својот прв гол за Ливерпул, во 43' минута на асистенција на Федерико Кјеза.

Средба од Куп на Централна Америка меѓу екипите на Алахуеленсе и Мотагва. Домашниот фудбалер Роналд Матарита уште во 15' минута доби директен црвен картон поради најдушмански фаул на сезоната. Прво се бунеше, се правеше наудрен, ама на крај се извини и го напушти теренот.

Видеото има јасни и прецизни тези со кои се обидува да ни ја пренесе пошироката слика за најпрестижната индивидуална награда во фудбалот. На пример што е тоа дефиниција за најдобар за да ја заслужи Златната топка? Треба да освои Светско, ЛШ или да постигне најмногу голови?

Премиерлигашот Брајтон со 0-6 го совлада Барнсли на стартот од англискиот Лига Куп. Диего Гомез постигна дури четири гола а еден од тие четири му беше еврогол. 22-годишниот Парагваец се прослави како еден од ретките фудбалери кои дале 4 гола на 1 меч.

Реал Мадрид го суреди Леванте на гости со 1:4 и со тоа ја продолжи низата во Ла Лига на 6 од 6. Деби гол даде Франко Мастантуоно, 18 годишниот аргентински талент кој летово пристигна од Ривер Плејт. Два збрца Мбапе од кој еден од пенал, но обрнете внимание на фелшот на Винисиус. Секоја чест.

Кристофер Нкунку е аквизиција вредна 42 милиони евра, пари кои Милан му ги исплати на Челси. Се промовираше со атрактивен гол против Лече во Купот на Италија, кој росонерите го добија со 3:1 и закажаа осминафинална пресметка против Лацио.

Ливерпул, во нивен стил, со гол во 85-та минута го совлада Саутемптон 2:1 во Лига Купот, а мечот го реши Хуго Екитике на асистенција на Киеза. Пазете што направи Французинот. Голот го прослави со соблекување дрес, свесен дека веќе има жолт картон.

Луис Енрике не беше во можност да присуствува на церемонијата на Златната топка, бидејќи во понеделникот му беше на распоред дербито против Олимпик Марсеј. Практично ова беше средба на најдобриот тренер со најдобриот играч на годината.

Комо е симпатична фудбалска приказна со град кој има 84.000 жители и стадионче кое собира 13.600. Ама со ултра богати индонезиски газди кои сезонава го купија Алваро Мората. Лани завршија 10-ти, а сезонава после 4 кола имаат само еден пораз. Го победија Лацио дома, а викендов Фиорентина на гости. Сеск знае што прави.

На свечената церемонија за прогласување најдобри во машки и женски фудбал за изминатата сезона 2025/2026, награда за најдобар голман на светот доби Џанлуиџи Донарума кој беше најзаслужен за историските успеси на ПСЖ. На бината наградата „Лав Јашин“ му ја додели Џиџи Буфон, неговиот идол од детство.

Утепавме 90 секунди од нашиот живот залудно, за да изгледаме промо видео за Ла Лига направено од руска телевизија. Се ќе беше многу подобро ако монтажерот со помош на спортски новинар, сами се потруделе да скоцкаат видео. Чуму користење на вештачка интелигенција со разни чудни животињи и фудбалер со кактус на глава?

Веа е прв африкански фудбалер кој успеа да ја освои Златната топка во 1995-та. Наградата му ја даде на Венгер. Има зошто.

Малдиот 23-годишен англиски репрезентативец и фудбалер на Астон Вила Морган Роџерс на својот Инстаграм профил објавил линк од официјално видео од канал на Сандерленд во кое во најинтересните моменти од мечот издвоиле жесток и брутален лизгачки старт над него, опасен по сигурноста. Роџерс опоменува дека тоа е веќе станато хит на Интернет за што мора да се реагира за да не стане модел на однесување.

Организаторите на Златната топка, не го заборавија Диого Жота, кој заедно со брат му загинаа во сообраќајна несреќа на 3 јули во Шпанија.

По Рајмонд Копа, Мишел Платини, Жан Пјер Папен, Зинедин Зидан и Карим Бензема, Франција го слави нивниот рекорден шести фудбалер со најпрестижното признание, кое секоја година го доделува магазинот Франс фудбал од 1956-та година. Ама го слави со сите нишани.

Џабе и монтирате 300 разни дресови, кога она е кратовчанка во душа. Погледнете како и стои. И Ѕинго е горд. Да беше меѓу живите, бонове ќе и дадеше.

Елиф Елмас ја доби првата шанса од Конте во стартните 11, во убаво друштво во среден ред со Гилмор, Политано, Мектоминеј и Де Брујн. Играше до 58-ма минута, а постигна и гол кој за жал му беше поништен поради офсајд.  Наполи - Пиза, конечни 3:2.

Додека Луис Енрике беше избран за најдобар тренер на годината 2025 според Франс Фудбал, во Марсеј тој водеше борба со неговиот ПСЖ кај лутиот ривал Олимпик. „Велодром“ полн како ретко кога, славеа лудо долго очекуван триумф.

Франција доби нов крал во Париз. Дембеле е шестиот фудбалер од оваа земја која стана рекордер по број на освоени златни топки.