Вода стои, Роналдо не стои

На 18 јуни на дуелот меѓу Португалија и Чешка, Кристијано Роналдо ќе стане прв фудбалер во историјата со шест учества на Европските првенства. За Германија се загреа со два комада, од кои едниот мајсторски.

Португалците ја одиграа последната контролка пред ЕП против Ирска и славеа со 3:0. Резултатот го отвори Жоао Феликс во прво полувреме, а конечниот резултат го постави Роналдо со два гола за 10 минути во вториот дел.

Тоа значи дека статистиката сега му се помести на 131 погодок на 207 репрезентативни средби, а му фалат само 4 гола за да стигне до бројка од 900 на сите натпреварувања за клуб и репрезентација.

Португалец е прв играч кој постигнува голови за репрезентација во 21 календарска година, а наскоро ќе стане прв со шест Европски првенства.

Роналдо има постигнато повеќе голови за Португалија (78) откако наполнил 30 години, отколку Пеле за Бразил во цела кариера (77).

Португалија е дел од групата Ф со Чешка, Турција и Грузија, а првиот меч го игра на 18 јуни против Чешка.

12 јуни 2024 - 08:48

Штета ако сте пропуштиле

Јагмата по „бадемово млеко“ ги потепа американските пчели

Нездрави писма на читатели

Чекање на шалтер, Тајланд верзија

Кај се дрољите во Охрид?