Вечер за паметење во Монтевидео, Пењарол прв пат после 37 години во полуфинале на Копа

Чуда се случуваат сезонава во Копа Либертадорес. По големиот Ботафого кој после верувале или не цели 51 година се пласираше во полуфинале на најважниот клупски фудбалски турнир во цела Јужна Америка, сега и Пењарол од Уругвај тргна по тој пат.

Уругвајскиот шампион Пењарол од 1987-ма наваму ниту еднаш не стигнал до претпоследната фаза на Копа Либертадорес. Синоќа во реваншот против моќниот фаворит Фламенго одиграа 0-0 на домашен терен и по триумфот 0-1 на гости обезбедија пласман во полуфинале.

Интересно Пењарол својата последна титула во Копа Либертадорес ја осовил во далечната 1987-ма година а овој клуб е трет најтрофеен во Копа Либертадорес со дури 5 титули. Само Индепендиенте со 7 и Бока Јуниорс со 6 се пред него.

На својот терен синоќа пред повеќе од 40.000 гледачи Пењарол успеа да го одбие Фламенго и влезе во самата завршница на Копа Либертадорес каде го чекаат Ривер Плејт, Атлетико Минеиро и Ботафого против кого ќе игра во полуфиналето.

Пењарол реши да се брани во текот на целиот меч и таа тактика им испадна совршена затоа што и на првиот меч од една брза контра го постигнаа единствениот победнички гол кој на крајот се испостави клучен во двомечот:

Incredible counter-attack puts Penarol 1-0 up against Flamengo at the Maracana. Game on.pic.twitter.com/b4zBJT1pZT
— Nathan Joyes (@NathanJoyes1) September 19, 2024

По крајот на дуелот навивачите, играчите и тренерите во стручниот штаб плачеа од среќа што направиле историски успех и го донеле Пењарол во прво полуфинале после цели 37 години!