Со почетокот на Лигата на шампиони, стартуваше и натпреварувањето со ист формат на кое ќе се натпреваруваат играчи до 19 години од сите најдобри клубови во Европа.
Форматот е ист со елитното натпреварување. Младите екипи ќе патуваат заедно со првите тимови, но натпреварите ќе се одигруваат во порани термини и на други стадиони. По групната фаза следуваат четири нокаут рунди, а финалето ќе се одигра во Нион.
Вљубениците во фудбалот ќе можат да ги видат талентите кои наскоро ќе блескаат на терените низ Европа, а до тогаш главни ѕвезди ќе бидат нивните тренери.
Најпознато име е Филипо Инзаги кој е тренер на младинскиот тим на Милан. Младинците на Манчестер Сити ги предводи Патрик Виеира, на клупата на Манчестер Сити е Ники Бат, а надежите на Реал Мадрид ги предводи поранешниот дефанзивец Луис Мигел.
На отворањето на УЕФА младинската лига беа постигнати следните резултати:
Манчестер Јунајтед - Баер Леверкузен 4:3
Реал Сосиедад - Шахтар Доњецк 3:2
Копенхаген - Јувентус 2:2
Галатасарај - Реал Мадрид 1:1
Бенфика - Андерлехт 3:0
Виториа Плзен - Манчестер Сити 1:4
Баерн Минхен - ЦСКА Москва 0:2
Барселона - Ајакс 4:1
