На Роберт Левандовски денеска му честита цел фудбалски свет за историските 9 минути кои ги направи на синоќешниот дуел против Волфсбург. Баерн пред своја публика на полувреме губеше 0:1, а Пољакот влезе во 46 минута и од 51-ва до 60-та им го наполни голот пет пати.
Топката од мечот заслужено е во негови раце, а сликата во првите два часа собра 150.000 лајкови и скоро 3.000 коментари.
Левандовски даде повеќе голови за 9 минути од:
- Ливерпул, Њукасл и Вест Бромвич Албион оваа сезона
- Шест екипи од Бундеслигата
- 11 екипи од Примера
- Седум екипи од Серија А (Интер е лидер со 5 постигнати голови)
- Вејн Руни во 2015-та
- Марио Балотели за цела сезона во Ливерпул
- Никлас Бентнер во последниве 3 години
Рекорди:
- Левандовски го даде најбрзиот хет-трик во Бундеслигата постигнат за 4 минути. Потоа го постави истиот рекорд со 4 голови, а на крајот и со 5.
- Стана првиот играч во Бундеслигата кој како замена постигна повеќе од три голови.
- Пољакот ги постигна најбрзите 5 голови во најсилните европски првенства откако OPTA се занимава со статистика.
- Му фалеше само еден гол за да го стигне рекордерот во Бундеслигата со 7 голови, Диетер Милер кој на мечот Келн – Вердер Бремен 7:2 во 1977 година постигна шест голови.
- Левандовски е третиот играч на Баерн кој постигнал 5 гола на еден меч. Герд Милер тоа го стори три пати и еднаш Хенер Дитер.
Изјавата на Филип Лам:
„Треба да се биде критички настроен, Левандовски можеше да даде седум голови, тој промаши две големи шанси".
Изјавата на тренерот на Волфсбург:
„Што можам да кажам? Напаѓач од светска класа шутна пет пати кон гол, а можеше да даде седум голови".
