Јане имаше привилегија да биде сместен во хотелот Лаури, каде обично Манчестер Јунајтед се повлекува во карантин пред важни средби и таму се сликаше со дел од тимот на Мурињо.
Но синоќа неговиот сон се комплетираше откако го сретна и со својот идол со кој до вчера се поздравуваа преку социјалните мрежи.
Манчестер Јунајтед и Пол Погба се покажаа како одлични домаќини и го сместија Јане, неговите родители и брат му во ложа и тоа во друштво со семејството на Французинот.
Јане и брат му Огнен биле пресреќни од целото тоа искуство, добиле подароци и имале можност да се возат во автомобилот на еден од најскапите фудбалерите во историјата.
Тие денеска ќе имаат и прошетка на стадионот на Јунајтед и ќе можат од близу да се запознаат со историјата на славниот клуб.
