Што се смени во Милан со доаѓањето на Ибрахимовиќ?

Речиси сè. Го вратија на крај на кариерата на 38 години, нетипични за трансфер на шпиц, а тој им возврати со 37 гола и 11 асистенции и што е најважно во Милан се врати победничкиот менталитет.

Златан Ибрахимовиќ пристигна во Милано на 27 декември 2019-та како слободен агент од Лос Анџелес Галакси, но покрај годините со кои ретко кој игра во напад и проблемите со повреди, остана верен три и пол години.

Стана прв стрелец во четири различни декади (1990, 2000, 2010, 2020), најстар стрелец во историјата на миланското дерби, прв стрелец со по 50 гола за двете екипи од Милано, најстар стрелец во историјата на Серија А со минимум 10 сезонски голови, стигна до 500 голови во кариерата...

Но сè се тоа само рекорди кои ги редеше. Најважното е што во клубот ја врати вербата и им помогна на сите да веруваат дека со пожртвуваност, самодоверба и работа можат да станат тим кој ќе направи резултати.

Едноставно ја убеди соблекувалната дека на сцената може да се врати големиот Милан. Ги подучи младите како треба да се однесуваат кон боите на клубот и не случајно 19 години помладиот Сандро Тонали плачеше за него.

Откако клубот минуваше низ мачни 11 години, промашуваше трансфери, менуваше тренери, не можеше да се врати во ЛШ и го бараше идентитетот, со помош на знаењето, карактерот и авторитетот на Златан се случи следново:

ЗЛАТАН ИБРАХИМОВИЌ

- 78 натпревари
- 37 гола
- 11 асистенции
- Гол на секој 99 минути

МИЛАН

- Скудето
- Три пласмани во Лига на шампиони
- Полуфинале во Лига на шампиони

Колективна тага на Сан Сиро

Тежок избор: да ги одбереш најубавите Топ10 голови во кариерата на Златан 

6 јуни 2023 - 15:04

Штета ако сте пропуштиле

За оние кои не одат подалеку од насловот

Лажни вести од Македонија

Batwoman во Битола

Исус претворал вода во вино. Телма оди чекор понапред