Аријан Адеми викендов ги помести границите во 110 годишната историја на Динамо Загреб и стана прв играч со 10 титули. Каков извонреден успех за македонскиот репрезентативец на кој не му се верува дека при толкава плејада на ѕвезди кои поминале низ најпознатиот хрватски клуб, токму тој е најтрофеен во историјата.
Дресот на Динамо го носеа ликови како Ладиќ, Модриќ, Бобан, Шукер, Просинечки, Крањчар, Хорват, ама никој како Аријан кој стана легенда на клубот. Чисто како компарација, Џиџи Буфон има 10 титули со Јуве, а инаку нашиов сега е има повеќе од Хајдук, Загреб, Ријека и Осијек заедно.
Тој направи трансфер од Шибеник во Динамо во 2010-та за 400.000 евра и од тогаш секоја година го освојува хрватскиот шампионат со исклучок на сезоната 2016/2017, кога Рики со Ријека им ја прекинаа серијата.
Сега се заедно во Динамо Загреб на кој му ја донесоа титулата број 22. Славеа 1:5 токму против Ријека и на 3 кола до крајот имаат +10 од Осијек, што значи и математички се шампиони.
„Да ми го кажеше некој ова кога доаѓав во клубот, ќе му кажев дека е луд. Се ежам кога ќе се потсетам или кога некој ќе ми каже дека сум најтрофејниот играч на Динамо, клубот во кој играа најголемите sвезди. Кога ќе го погледнам ѕидот со фотографии во ходникот во близина на соблекувалната и ќе ги видам сите овие легенди, а јас сум најтрофејниот, навистина се ежам“, вели Адеми.
Инаку моторот од средниот на Македонија заедно со куповите има рекордни 18 трофеи со Динамо и рекордни 84 настапи во Европа.
За Модрите има 293 натпревари, 29 голови и 24 асистенции.
Нема крај од коментари со кои го дигаат до небо навивачите на Динамо.
[KAPETAN] Arijan Ademi u svoju zbirku povijesnih uspjeha upisao je još jedan! Kapetan je prvi igrač u povijesti našeg kluba koji je u Dinamovom dresu osvojio 10 naslova prvaka! Čestitamo Kapetane! 🏆🏆🏆🏆🏆🏆🏆🏆🏆🏆
Posted by GNK Dinamo Zagreb on Monday, May 10, 2021
