Според истражувањето на Европската куќа на фудбалот, најпосакуваниот трофеј во Европа на клупски план ќе оди во рацете на играчите на Барселона. Тоа е прогноза на УЕФА која се темели на следниве критериуми:
- Во последните 11 изданија во ЛШ, 10 пати трофејот го освојувал оној тим кој во групната фаза завршувал на прва позиција. Единствениот исклучок се случил во 2010-та, кога Интер под водство на Жозе Мурињо стигна до историската тројна круна.
- Ниту еден тим кој во групната фаза примил минимум 8 гола, не станал Европски првак. Оваа сезона таа цифра ја надминаа Борусија Дортмунд, Бенфика, Манчестер Сити и Реал Мадрид.
- Откако Лигата на шампионите го промени својот формат, ниту еден клуб кој за прв пат ја минал групната фаза не го освоил трофејот. Лестер има слаби шанси за тоа, а најблиску беше Виљареал во 2006-та кога стигна до полуфинале каде беше елиминиран од Арсенал.
- Во последните 19 сезони Челси е единствениот тим кој стигнал до првиот трофеј во својата историја. Сите останати екипи веќе имаа претходно освоено.
Колку ќе биде точна оваа прогноза на УЕФА ќе дознаеме на 3 јуни во Кардиф. Минатата сезона погодија дека на Сан Сиро ќе се радува Реал Мадрид.
