Колчестер е новиот хит во англискиот фудбал. Овој тим го исфрли европскиот вицешампион од англискиот фудбалски лигашки Куп.
Тотенхем синоќа играше позиционо, вршеше притисок (посед на топка 75%), шутеви кон голот 19, но без никаков ефект.
Колчестер машки издржа до серијата пенали во која победи. И оди понатаму, на радост на неколку илјади навивачи за кои ова беше најубавиот ден во животот. Колчестер е мало градче (за англиски услови мало со 110.000 жители) на источното крајбрежје на Британија. До неодамна таму немало топ фудбал и се играло на аматерско ниво.
Од таа причина преубаво им беше на домашните кога го гледаа Кореецот Сон на клупата за резерви во склоп на трибините.
Колчестер е клуб од Лига 2 (четврта лига во хиерархијата на англиски фудбал). Игра на стадион кој собира 10.100 гледачи и најчесто е полн. Колчестер е подпросочен тим и во својата дивизија (10. место и 15 бода после 10 кола). Но против Тотенхем, кој не играше во најсилен состав, изиграа јуначки.
Во серијата пенали на теренот во составот на Тотнем веќе беа и Сон и Ламела и Ериксен, ама џабе.
Победи Колчестер и ја направи најголемата сензација во англискиот фудбал досега сезонава.
Colchester United's winning penalty vs Tottenham to knock them out! #Colchester #Spurs #Tottenham pic.twitter.com/S8niIZhv29
— Exotic Highlights (@ExoticHighligh1) September 24, 2019
„Колку сме нервозни што не можевме да дадеме гол за 90 минути. Колчестер веќе го пројде Кристал Палас на пенали, се случува тоа. Во оваа фаза од турнирот се бидува“, изрази некои општи мисли Маурисио Почетино.
И секако, неизбежно беше традиционалното влетување во терен и прослава со играчите:
