Бразилецот Малком денеска е топ тема во Италија, ама и во Шпанија и веројатно тој ќе влезе во некаква топ листа на најбрзо “киднапирани“ фудбалери во 5 до 12.
Што се случи? 21 годишниот крилен играч на Бордо вчера беше најавен како договорено засилување на Рома.
Тој требал да слета на аеродромот Чампино во Рим синоќа во 23:00 часот, по што се појавила информација дека авионот ќе доцни 40 минути.
Целиот трансфер и протокол со навидум новиот играч на Рома бил договорен со неговите менаџери. Утринава во 8 часот му закажале и термин за медицински прегледи, а потоа официјално претставување.
Но од Бордо не му дозволиле да потшише за Рома бидејќи во последен момент во игра влегла Барселона која со нешто подобра понуда, практично му го “украде“ играчот на тимот од Рим.
Понудата на Рома гласела 36 милиони евра и годишна плата од 2,5 милиони евра, а Барселона понудила 41 милиони евра за играчот и 3,5 милиони евра по сезона.
Regardez ça, c’est incroyable. Les tifosi de la #Roma attendaient déjà #Malcom à l’aéroport ! Via @SkySport pic.twitter.com/tfzztLiRfL
— GuillaumeMP (@Guillaumemp) July 23, 2018
Навивачите на Рома синоќа се собраа на аеродромот во Рим за да му приредат пречек на талентираниот Бразилец кој наместо нов член на Рома, заминува во Барселона.
И уште нешто. Дури и мајка му на Малком фатила авион од Бразил за Рим, но кога требала да смени лет во Португалија ја известиле дека нема потреба да патува за Италија. Син му ќе игра заедно со Меси.
Офсајд ликовите кои залудно чекаа на аеродром
