Никој не бил така исвиркан на „Олимпико“ како синоќа Ѕаниоло

Во дербито на вечерта меѓу Рома и Аталанта на затворање на 14. коло од Серија А, гостите од Бергамо славеа заслужено 0:2. Главен момент на мечот беше влегувањето во игра на некогашниот бисер на Рома Николо Ѕаниоло кој во многу лоши односи си отиде од Рим. Навивачите на Рома го свиреа жестоко кога влезе во игра во 64-та минута а тој им одговори со гол со глава во 89-та минута за победа 0-2.

Не само што го славеше голот против својот матичен клуб туку претера, соблече дрес и мавташе со него кај навивачите на Аталанта со кои урлаше од радост, па доби и жолт картон:

Le firme di @Dirono e Zaniolo che hanno deciso #RomaAtalanta 💪💪 pic.twitter.com/LlT409dCtC
— Lega Serie A (@SerieA) December 3, 2024

Навивачите на Рома претходно кренаа парола и за младиот Едоардо Бове, позајмен фудбалер од Рома во Фиорентина кој во 17-та минута од мечот Фиорентина - Интер колабираше во неделата вечер. За среќа по брза интервенција на лекарските служби и повеќе прегледи, тој е добар и во стабилна состојба.

„Едоардо не се предавај... На терен сакаме уште да те гледаме како се бориш. Ривали да, непријатели никогаш. Напред Рома“!