Ова уште долго ќе се памети: судиско продолжение, 4:3 за Манчестер Сити, но недоволно за пласман во полуфинале, им треба уште еден гол. Во 93’ минута Ериксен прави кардинална грешка во додавање, Агуеро ја прифаќа топката и додава до Стерлинг.
А Рахим маестрално со замав исфрла двајца противнички фудбалери од игра и го спружува Лорис за 5:3 и лудило на Етихад!
Рахим оформи хет-трик, во тие неколку секунди беше херој на незаборавната вечер додека навивачите беа во транс:
Тотенхем во само неколку секунди изгуби сè. Им се сруши светот додека домашниот стадион се тресеше од радост:
А Пеп Гвардиола?
Да имаше апарат за мерење среќа и воодушевување, кај него ќе свиреше непрекинато
Но после неколку секунди сознание дека Чакир по консултација со помошниците од ВАР собата, ќе гледа видео повторување. Гледаше турскиот судија неколку секунди и одлучи: Агуеро бил во офсајд. Голот се поништува.
Светот на Гвардиола и сите навивачи на Сити се сруши во еден миг. Пеп падна на колена во неверица
Почетино кој пред неколку секунди преживеа „трагедија“, уште беше мирен и сфати дека има уште пар минути и Тотенхем ќе оди понатаму:
После неколку секунди, Почетино можеше да дише и да урла од среќа со неговата екипа и гостинските навивачи:
