Синиша Михајловиќ како нов предводник на Милан прво треба да реши што ќе прави со нападот. Има шест напаѓачи, потоа уште тројца кои се враќаат од позајмица, а тука не ги сметаме Џанпаоло Пацини на кој му истекнува договор и Матија Дестро кој се враќа во Рома.
Алесио Черчи дојде во јануари од Атлетико Мадрид на позајмица од 18 месеци. Во Серија А имаше 10 настапи, но не ја начна мрежата.
Стефан Ел Шарави во Милан е од 2011-та. Најдобрата сезона му беше 2012/2013, но потоа заглави со повреди. Сезонава има 17 настапи и само 3 гола во Серија А.
Хонда го засили Милан од ЦСКА Москва пред две сезони. Изминатава сезона одигра 29 меча на кои постигна 6 гола.
Хашим Мастур има само 17 години и сè уште го чека дебито за првиот тим. Кларенс Сидорф го повика во последното коло од сезоната 2013/3014 против Сасуоло, но остана на клупа.
Алесандро Матри по позајмиците во Џенова и Јувентус се враќа во Милан.
Жереми Менез во првата сезонава беше најдобар стрелец на Милан, а дојде од ПСЖ.
Нјанг од 2012 година е член на Милан, а по позајмиците во Монпеље и Џенова, се враќа на Сан Сиро.
Андреа Петања кој има 19 години беше на позајмица во Сампдорија, Латина и Виченца, но и тој од ова лето се враќа во Милан.
Сусо во јануари годинава потпиша 4 годишен договор со Милан, а претходно беше во Ливерпул. Дебитираше во четвртфиналето од Купот на Италија против Лацио, а заигра еден меч и во првенството, но само 15 минути против Палермо.
