Крадци на фудбалско лого

Или немаат вработено дизајнер или не сакаат да платат да им го направи друг, трето нема. Или па можеби дизајнерот е copy - paste во душа, од кај да знаеме. Како и да е ова е апла грабеж, кој не можеш да го сокриеш, освен ако не играш во балон и не се промовираш на интернет.

Во најновата епизода на крадење лого жив го фатија Јувентус Букурешт кој реши да го ископира логото на најтрофејниот италијански клуб.

Што е уште посмешно, романскиот клуб сезонава е прволигаш, ама со оглед на тоа што има само една победа по 20 кола и се однесува аматерски, за кусо време ќе се врати во второлигашка конкуренција.

Јувентус Букурешт ќе мора да го смени и името и грбот, бидејќи Старата Дама им се закани со тужба, а според најавите тие решиле од сега да се викаат Колентина.

Креативните тролачи веќе им го направија и новото лого, ама повторно во лоповска верзија копирајќи го новото лого на Јуве.