![](/files/styles/780px/public/offside/2021/04/15/318654-koj-e-poraneshniot-golman-na-makedonija-koj-pochina-na-46-godini.jpg?itok=jh6cXBuW)
Гоце Груевски почина прерано на 46 годишна возраст, а веста за неговата смрт брзо се рашири во македонскиот печат откако утринава ја пренесе Престон Лајонс, клубот каде го имаше последниот ангажман.
Груевски запиша 8 настапи за македонската фудбалска репрезентација, три во квалификацискиот циклус за СП 2002 и уште пет пријателски. Во квалификациите бранеше против Шведска, Азербејџан и Словачка во период кога имаше силна конкуренција за голманската позиција со Петар Милошевски и Антонио Филевски.
Кариерата ја градеше во македонското првенство каде го носеше дресот на Победа, Вардар, Работнички, Беласица и Слога Југомагнат, а ја заврши во Австралија во 2009-та каде остана да живее.
Тој стана дел од Престон Лајонс, клуб со долга традиција створена од македонски иселеници уште во 1947-ма година.
Работеше како тренер на голманите и беше горд што е дел од таа уникатна фудбалска сторија каде и ден денес се вејат македонски знамиња и скандира „Македонија, Македонија“.
Се натпреваруваат во Австралија, а се гордеат со македонското во себе кое го носат од нивните татковци родени во Македонија.
VALE - GOCE GRUEVSKI
— Preston Lions FC (Official) (@prestonlionsfc) April 15, 2021
It is with great sadness that we announce the passing of our own Goce Gruevski.
Goce will forever be remembered for his passion for football, his friends and goalkeeping credentials both as a player and coach.
May he Rest in Peace. Bog da go Prosti🙏 pic.twitter.com/zzRxSFAsSs
Дали е возможно!? О, легендо... 😢
— FFM (@ffmmkd) April 15, 2021
Почивај во мир, Гоце Груевски 😢 pic.twitter.com/lVcEZaHr7R
Документарецот за Престон Лајонс во кој зборува и Гоце