Летово Андре Гомеш му исполнил две животни желби на татко му: да освои Европско првенство со репрезентацијата и да стане играч на саканата Барселона. Овие пријатни моменти на Гомеш-стариот не завршиле брзо, затоа што за да дојде на „Камп Ноу“, син му морал да ги одбива по ред Јувентус и Манчестер Јунајтед, но и мадридски Реал.
Тоа беше на крајот од сезоната кога многумина го критикуваа Гомеш, затоа што во дуелите против послабите екипи делувал бавен, грешел во додавањата и често претерувал со дриблинзите.На кратко - како цела Валенсија цела сезона лани. „Со главата е во Торино", мрмореле гледачите зад трибината алудирајќи на гласините дека Андре Гомеш е близу Јувентус.
Иако навивачите беа бесни на Хорхе Мендеш и неговото влијание во Валенсија (го критикуваа дека од клубот направил своја база за продажба на играчи), Андре изградил посебен однос со навивачите. Секогаш знаеле на која плажа е, шетал сам со кучето, па дури и во тешките моменти по екипата, излегувале од автобус и се поздравувале со него без да му направат непријатни сцени.
Фотографии со Гомес има буквално половина Местаља, толку Португалецот е близок со навивачите на Валенсија. Продажбата на негови дресвои била прва, пред детето на клубот Пабло Алкасер и популарниот Алваро Негредо.
На Гомеш му било удобно не само во градот туку и во клубот. За него се играла формацијата 4-3-3, затоа што омилена позиција на Португалецот во овој систем е левата позиција во средниот ред. Андре физички е јак и тоа му овозможува да ја чува топката и да покрива во одбраната.
Обично се движи на левото крило и знае да се уфрли како крилен напаѓач. Од таа позиција му даде гол на Зенит на Местаља во Лигата на шампионите (2:3). Андре е деснак, но тој еднакво добро шутира и со лева. Можеби најдобриот гол минатата сезона Гомеш го постигна против Малага (3:0). Прими една топка на влез во шеснаесетникот, со една финта се ослободи од неколку противнички фудбалери и со лева погоди во поблискиот агол. Има необичен сенс за шут со лев, иако важи за деснак.
Гомеш има крупна конституција, граден е силно и тоа му е адут не само во средината од теренот, туку и во својот шеснаесетник. „Со брзината и снагата, Гомеш е како некоја компилација од Михаел Балак и Френк Лампард. Тој е голем професионалец гладен за напредок и успеси. Зборува три јазици. Кога изгубивме 7:0 од Барселона, тој бараше да одиме на тренинг и на крајот отиде да тренира", носталгично се сеќава Гери Невил, најлошиот тренер во историјата на Валенсија.
Но малку е веројатно познавањето на три јазици да му биде предност на Гомеш во борбата за место во тимот на Барселона. Таква конкуренција никогаш не видел во кариерата, затоа што за местото централен играч во средината се борат многу играчи оддеднаш: Ракитиќ, Арда Туран, Сампер, Рафиња, па ако е потребно и Денис Суарез, Маскерано и Серхи Роберто.
„Мислам дека е време да оди", твитна неодамна Микел Сорс еден од агентите на Иван Ракитиќ кога се објави трансферот на Гомеш. Агентот на должност тогаш напиша неколку твитови дека тоа било негово лично мислење, а самиот Ракитиќ изјави дека останува во Барселона и дека има само еден агент а тоа е Артуро Каналес.
Предноста на Гомеш е во тоа што тој може да игра и крило зад Нејмар. Прв кандидат за трансфер е Арда Туран, особено затоа што Барса го планира 22-годишниот Гомеш за долгорочно решение на средината од теренот. Гомеш затоа го прекинал одморот порано и дошол во базата за почетокот на подготовките.
За него Валенсија ќе добие 35 милиони евра, но тоа не е се, затоа што тимот од Местаља ќе добие и евентуални 20 милиони евра како бонуси.
Покрај тоа, Валенсија како дел од договорот може да земе двајца играчи од Барселона (се споменуваат Тељо и Монтоја) и трето договорот вклучува 15 милиони евра Барса да и плати на Валенсија во случај Андре Гомеш да ја освои „Златната топка".
