Имало и поштени (навивачи) меѓу пратениците

Далеку сме ние од давање вакви џентлменски изјави со извинувања, ама фино би било да чуеме/да чујат нашиве дека некој некаде ги дава.

Феенорд синоќа му гостуваше на Глазгов Ренџерс во првото коло од Лига Европа.

Холандски министер, го фатија како го гледа мечот на сред парламентарна седница и тоа за време на говор на премиерот. Плус за беља го гледа Феенорд, а познато е дека навива за Ајакс.

Но Холандија не е Македонија, па затоа тука следуваше извинување на место заедно со една логична причина зошто гледал.

„Не требаше да го сторам тоа. Но сепак се работи за натпревар на кој играше Феенорд, вториот најважен клуб во нашата земја“.

Кај нас тешко е да дознаеш кој за кого навива, а не па да се извинат на ваков начин. Инаку и во нашиот парламент се гледа понекогаш фудбал, како на пример Реал - Јуве во ЛШ.

Ако знаете некој наш пратеник или министер за кого навива, пуштете некоја фотка. Еве еден.

И уште еден

20 септември 2019 - 14:16