Колку што слабо игра во Бундеслига каде му се смее испаѓање во втора лига, Вердер Бремен толку добро игра во Купот на Германија. „Зелено-белите“ се пласираа во 1/4 финалето на Купот.
Тимот на Флориан Кофелдт ја урна големата Борусија која дојде со најсилен состав: играа и Ројс и Азар и Хумелс. Но тоа не му сметаше на домаќинот да поведе уште во 16’ минута. Рашица шутираше, Хитц ја одби топката а Давид Селке налета и го отвори резултатот:
А пазете сега ова. Битенкур во 30’ минута го дава можеби најубавиот гол на сезоната во Германија:
A goal of the season contender from @lbittencourt32 😱#DFBPokal #SVWBVB 2-0 pic.twitter.com/4wQfdqiKw7
— The DFB-Pokal (@DFBPokal_EN) February 4, 2020
За Леонардо Битенкур овој еврогол е посебен затоа што тој една сезона (2012/2013) помина во Борусија Дортмунд (5 меча, 1 гол). Понатаму играше за Хановер, Келн и Хофенхајм каде воопшто не играл зошто барал да го пратат на позајмица.
Сезонава игра за Вердер каде најдобри партии пружа во Купот: 2 меча, 2 гола.
ХАЛАНД ПАК ВЛЕЗЕ ОД КЛУПА И ПАК ДАДЕ ГОЛ
На стартот на 2. полувреме во игра наместо Азар влезе Ерлинг Халанд и како х пати досега, пак даде гол. Неверојатно ова е 8-ми гол на 4 меча за Борусија. Норвежанецот игра во страшна форма и стана првиот фудбалер во историјата на Бундеслигата кој на 4 први настапи дал дури 8 гола. И тоа само еднаш играше од старт и ниеднаш не ги одигра сите 90 минути.
Но резултатот 2:1 не траеше долго. Во 70’ минута Милот Рашица ја врати предноста на Вердер од два гола:
Во финишот уште еден рекорд. Во 78’ минута Борусија пак го намали резултатот и тоа преку најмладиот стрелец во историјата на германскиот Куп Џовани Рејна кој даде можеби и поубав гол од оној првиот на Вердер:
Џио Рејна постигна гол на возраст од 17 години и 82 дена. Негов татко е легендарниот фудбалер на САД Клаудио Рејна кој едно време во Глазгов Ренџерс играше со Џовани Ван Бронкхорст и го нарекол синот во чест на Холанѓанецот.
Џовани во средината на јануари стана и најмладиот Американец во историјата на Бундеслигата: влезе од клупата за резерви на мечот против Аугзбург (5:3) на 17 години и 66 дена.
