Германците си играа мајтап на прва со европскиот првак

Двата светски фудбалски гиганти кои ги тепавме на гости во рок од една година, приредија голеада во Лига на нации која и припадна на Германија. Италијанците понижени.

Селекцијата на Роберто Манчини по сè изгледа уште не може да се опорави психолошки од шокот кој Македонија и го преди во Палермо.

По 4 кола во Лига на нации имаат само една победа, а синоќа беа демолирани од Германија со 5:2. Кимих, Гундоган, Милер и два пати Вернер. До 69 минута губеа 5:0, а потоа погодија Њонто и Бастони.

Погледне ја оваа акција на Германците на прва. Со седум додавања по цел терен, почнувајќи од голман, ги зашеметија како деца на тренинг. Мислиш противникот им се вика Гибралтар.

Акција за почит имаа и за четвртиот гол

Штом не можат топка да изнесат, ова е веќе очај.

Од дебаклот произлезе и статистика дека дури 65 години немаат примено 5 гола на еден меч.

Вилфред Њонто немаше баш можност да се израдува што направи сефте и стана најмлад стрелец во историјата на Италија. 

15 јуни 2022 - 08:47

Штета ако сте пропуштиле

На Њујорк Тајмс му текна: Америка има проблем со слободата на говорот

Цел шаржер Клеш муниција

Љубовно пакетче за Скопје

Како Черчил ги издаде грчките партизани и Егејците