Еуфорија за Столе, медиумите го нападнаа, Валенсија го претстави со штосно видео

По долга, 12 годишна кариера во Шпанија, најдобриот македонски голман и официјално се круниса со голем трансфер, во најголем клуб од сите досегашни. Новинари го бркаа за изјава уште на аеродром.

Столе Димитриевски е промовиран во нов член на шесткратниот шпански првак, Валенсија со кој потпиша договор до 30 јуни 2026-та.

Пристигна како слободен агент од Рајо Ваљекано во кој се докажа како одличен голман и еден од најдобрите во Шпанија. Бранеше шест сезони од кои четири во Ла Лига и беше незаменлив меѓу стативите со фантастички партии и против фаворити како Барселона.

Валенсија ќе му биде петти шпански клуб во кариерата. Пред Рајо беше дел од Гимнастик, Гранада и Кадиз, а во Шпанија пристигна во 2012-та после две сезони во Работнички каде ја почна кариерата на 17 години.

„Среќен сум што ќе бидам дел од клуб со голема традиција. Она што најмногу ме импресионира е стадионот „Местаља““, рече Димитриевски на првата средба со новинарите кои го бркаа уште на аеродром.

Инаку се појави во црно и бело, клупски бои на Валенсија и сега останува да се види дали ќе биде прв голман.

Тоа веројатно ќе зависи и од иднината на Грузиецот Георги Мамардашвили за кој се зборува дека е пред трансфер во Премиер лигата. 

Валенсија има 6 титули и 8 Купови, како и 5 европски трофеи. Последната најуспешна сезона им беше 2003/2004 кога ги освоија Ла Лига, Куп на УЕФА и Супер Куп на Европа.

12 јуни 2024 - 11:48

Штета ако сте пропуштиле

Што ќе се случи ако снема кислород на 5 секунди?

Mакедонштино, некогаш претешка си за трпење

Тазе охридски софтвер

Имате ли видено појак дизајн од ова?