Одличниот фудбалер на Баерн Минхен, Алфонсо Дејвис има неверојатна животна приказна.
Родителите на Дејвис се од Либерија, а тој е роден во бегалски камп во Гана. Родителите избегале од Втората граѓанска војна во Либерија во Гана а подоцна емигрирале во Едмонтон, во Канада, во прифатилиште за бегалци.
Алфонсо фудбалски напредува со најголеми висини и станува ѕвезда на гигантот Баерн Минхен. Најзаслужен е што Канада ќе игра на Светско првенство првпат после 36 години и рече дека целата премија што му следува за пласман на Мундијал ќе ја даде во добротворни цели за хуманитарна помош.
„Канада ме прифати добро мене и моето семејство и ни даде можност за подобар живот. Ми овозможи да ги живеам моите сни. Голема чест е да се игра за Канада и јас сакам да се оддолжам, така што решив да ги донирам премиите од Светско првенство за хуманитарни цели“, напиша Алфонсо Дејвис на Твитер.
Canada welcomed me and my family & gave us the opportunity for a better life. it enabled me to live my dreams. It’s a great honour to play for Canada and I want to give back, so I’ve decided that I will donate this years World Cup earnings to charity.
— Alphonso Davies (@AlphonsoDavies) August 2, 2022
