Центарфорот кој пред неколку дена стана најдобар стрелец во клупската историја на Лацио со 160 постигнати гола, пред мечот со Јувентус (0:2), дојде до северната трибина на „Олимпико“ каде навивачите со неговиот лик нацртан на големо платно и пропратна парола: „Добродојде во историјата“ го одбележија новиот рекорд на шпицот.
Чиро Имобиле се повреди за време на собирот со репрезентацијата на Италија и не играше на дербито со Јувентус. Без него Лацио не можеше да постигне гол и изгуби од бјанконерите во Рим 0:2.
Но на некогашниот центарфор на Севиља и Борусија Дортмунд не му фалеше многу фудбал викендов зошто во тренинг центарот на Лацио се одиграл хуманитарен меч меѓу тим од вработени службеници во Ватикан и екипа на светската организација на Ромите (асоцијација која ги штити правата на етничките Роми).
Судија на мечот Чиро Имобиле:
„Прекрасно и единствено искуство. Многу ми беше пријатно да учествувам во овој настан, организиран од Папата“, рекол накратко Чиро. Мечот завршил 7:7 а Имобиле свирнал по еден пенал и за двата тима:
