Како што пренесува Мондо.рс, бомбата е пронајдена во редовната контрола пред вечерашниот дуел меѓу Црвена звезда и Каират, поради што се затворени билетарниците на стадионот.
Од клубот не сакале да зборуваат за случајот и ги упатуваат медиумите кај полицијата. Информативните служби на српското МВР изјавиле дека полицијата спроведува редовни активности пред вечерашниот меч и дека немаат никакви информации за бомбата.
Порталот Блиц во веста за бомбата на Маракана прашува како досега после толку рутински контроли не е пронајдена бомбата. Од друга страна, управата на Црвена звезда за денес пред мечот со казахтанскиот Каират закажала Собрание на УО, но по веста за бомбата истото е одложено на неодредено време поради „недоволен кворум“.
На северната трибина од стадионот Рајко Митиќ се собираат Делиите, па токму од таа причина полицијата често го чешла подтрибинскиот и надтрибинскиот простор на оваа трибина. Целта е да се запленат пиротехнички и други материјали кои би можеле да доведат до суспензија на клубот ако се фрлаат на терен.
