Тројниот свиреж на судијата Фабри дојде како олеснување за 31.000 навивачи на стадионот Ренато Дал Ара во најголемиот студентски град во Италија.
Како и во полуфиналето од плејофот за пласман во Серија против Авелино, така и вчера вечер Болоња имаше многу среќа. Иако поведоа со 1-0 преку Џанлука Сансоне, „Болоњезите“ на стартот од вториот дел примија гол од Пасквато. Следуваше и црвен картон на Ибрахим Мбаје, по што Болоња со играч помалку го чуваше својот гол.
Пескара напаѓаше со сите сили, на два пати гостите ја погодија и стативата, но Бразилецот Анхел да Коста беше несовладлив и со 1-1 Болоња се пласираше во Серија А по една година во понизок ранг. Првиот меч заврши исто 1-1, но според правилата на италијанската фудбалска федерација, во таков случај пласман обезбедува екипата која била подобро пласирана на табелата на крајот од сезоната. Заедничко нешто за двата тренери синоќа е што се поранешни Лацијали. Масимо Одо е тренер на Пескара, а Делио Роси на Болоња.
Навивачите веднаш влегоа на теренот и заедно со фудбалерите на седумкратниот шампион на Италија до доцна во ноќта го славеа големиот триумф и враќање на Болоња на правото место.
На трибините на стадионот во Болоња беше и сопственикот на клубот, Џое Сапуто (Италијанец од Канада), кој веднаш по мечот најави сериозни засилувања за составот кој следната година за цел ќе има излез во Европа.
Головите од мечот и прославата во Болоња:
