Мориц се соочил со голем притисок, особено после гостувањето во една гледана емисија со татко му. По таа вечер, сите очекувале „детето на Арсенал“ да дава по 10 голови.
Роули во еден момент се уверил дека Фолц се смеел на сила и дека работите не одат на добро, Тогаш решил на негово име да му купи број, а по извесно време кога ја видел листата на повици видел дека Мориц најдолго зборувал само со еден германски број.
Следната недела, Роули му се јавил на Мориц: „Ми треба твоја помош, Фолц. Арсенал преговара со еден познат Германец и ќе ни треба преведувач, но не сакаме никој да знае. Дојди во италијанскиот ресторан Аск." Фолц долго размислувал дали е тоа Кристијан Циге или Мехмет Шол, а на крајот на масата ја видел својата девојка Аненка со која се дружел во слободното време во родното место.
На почетокот заработувал 320 фунти и живеел во семејството Флинт каде бил и Швеѓанецот Себастијан Ларсон. Во меѓувреме Венгер првпат го ставил во стартниот состав на првиот тим, во Лига Купот против Ипсвич кој Арсенал го загуби 1:2.
По извесно време го праќаат на позајмица во Вимблдон, а наскоро купил стан и на 19 години се чувствувал гордо што има заработено стан во Лондон. Наскоро во Арсенал по десната линија ораше Камерунецот Лоран, така што немало место за Германецот кој игра десен бек.
Топџиите решаваат да го пуштат Фолц на позајмица во Фулам и тоа ќе се испостави како одлично решение. На првиот тренинг со новите соиграчи се запрепастил со правилото екипата која ќе загуби на тренинг да ги соблече шорцевите, да се сврти и да трпи силни шутеви од победниците. Нешто како маалската игра „шут у дупе". Тоа го немало во Арсенал каде Венгер практикувал гимнастика пред тренинзите (Тони Адамс еднаш изјави дека тоа му ја продолжило кариерата.
Тренер на Фулам во тоа време беше Велшанецот Крис Колман, кој имал другарски однос со играчите, па така на едни зимски подготовки во Абу-Даби го пуштил финскиот голман Јуси Јаскелаинен во Хелсинки на концерт на Металика.
Сопственик на Фулам беше Мохамед Ал-Фајед, човекот чиј син Доди загина со принцезата Дајана во Париз 1997-ма.
Освен што бил газда на Фулам, Ал-Фајед долго време е сопственик и на најголемиот ланец на трговски центри Harrods, каде играчите на Фулам можеле да се снабдеваат бесплатно. Еднаш додека Фолц шетал со девојка му Анека низ трговски центар го сретнал Ал-Фајед со помошниците. „Господине Ал-Фајед, гледајте кој имаме овде", газдата се свртел и го прашал Фолц: „А ти си навивач на Фулам значи"?
Не ги познавал многу своите играчи, но затоа после важни победи како например онаа од 3:1 над Манчестер Јунајтед влегол во соблекувалната и на секој играч му дал ретка деликатесна паштета од мисиркино месо од Хародс.
Тренинг центарот на Фулам бил на 30 км од домот на германскиот фудбалер, така што после долго време возење го болел грбот. Еден ден решил освен со воз, да проба да оди и со велосипед, а кога тоа му станало пракса одел и на натпреварите, признава во својата книга. Иако на станицата ретко кој го препознавал, Фолц набрзо станал пример како еден фудбалер треба да се однесува и да го користи јавниот превоз во Лондон. Го викале во ток-шоуа на телевизија, давал интервјуа.
За мечот со Астон Вила во 2006. година ги облекол копачките на кои било испишано името Д Хоф (по неговиот идол од серијата Чувари на Плажата) Дејвид Хаселхоф а во текот на мечот го постигнал и првиот гол во Премиер лигата и полудел од радост. Во 2004. година, селекторот Клинсман го повикал за пријателскиот меч против Камерун во Лајпциг, но не го ставил во игра, така што десниот бек сфатил дека за него нема да има место на СП 2006-та кое го гледал во друштво со Јирген Клоп, тогашниот тренер на Мајнц.
Во септември 2005-та, Колман го ставил Фолц во игра на мечот од ФА Купот против Линколн Сити. Фулам водел 2:1 а само една минута откако Фолц се појавил на теренот, дал автогол за 2:2, а потоа Фулам загубил 5:4 во продолженијата.
Два месеци подоцна бил мечот против Челси. Играчите на Фулам се собрале на Крејвен Котиџ, а Фолц читал весник и видел статија во која пишувало дека Лес Фердинанд го дал 10.000 гол во историјата на Премиер лигата и дека до тој момент паднале 14.933 голови. Го свиткал весникот и се качил во клупскиот автобус.
Во 16. минута од дуелот против Челси, дефанзивецот на Фулам Франк Кедри извел аут, Томаш Радзински ја пропуштил топката на која налетал Мориц и со сета сила му дал гол на Иларио. Подоцна на пат кон соблекувалната слушнал: „Мориц го даде 15.000 гол во Премиер, да му честитаме".
Вечерта излегол до локалната продавница да пазари со девојката и ја сретнал жената на стариот продавач Гери: „Колку е чудно што ве гледам во дуќанов после таквиот гол денес", му рекла и додала дека целото соседство зборува за симпатичниот Германец.
За пола година, Мориц му предложил на скатутот Стив Роули да му биде сведок на свадбата со Анека. „Ни во кој случај, одговорил Стив. Треба да давам изјава таму и да зборувам, а знаеш дека сум стар за такви манифестации. Слушај Фолц, просто ми е многу драго што те донесов во Лондон во 1999. година и тоа е сè што можам да ти кажам. Ти си ми најдрагиот фудбалер што сум го донел во градов“.
