Сега еден од најголемите клубови на светот се реши да најави јавна аукција на историски предмети од нивниот стадион „Спотифај Камп Ноу“. Аукцијата која ќе се спроведе во рамки на проектот Memorabilia ќе започне на 23-ти јануари а на навивачите ќе им даде можност да наддаваат и да купат ретки предмети од историјата на каталонскиот клуб.
Меѓу предметите, пишува Марка ќе има корнер знаменца, шкафчиња од играчите, амблеми од соблекувалните, слики од славните шампионски генерации кои освојуваа Лига на шампиони а кои беа закачени во подтрибинскиот простор кај тунелот и многу други сувенири.
Покрај тоа, Барселона ќе стави на аукција и оригинални седишта од стадионот кој веќе долго време се реновира и нема најава кога ќе биде готов и спремен одново да стане дом на фудбалерите.
Голем интерес за сега е најавен за тревата од стадионот како и за мрежите од головите и славниот дрес на Меси со кој блескаше на Ел Класико против Реал Мадрид во 2017-та.
Аукцијата ќе се одржи во соработка со аукциската куќа Голден Компани а за сите детали може да се види на сајтот на повеќекратниот шпански, европски и светски шампион.
