Amazon Prime снима серија за Марадона, сите тројца глумци исти Диего

Во блиска иднина ќе гледаме интересна серија за животот на најинтригантниот фудбалер на сите времиња. Луѓето кои го глумат многу личат на него.

Компанијата Amazon Prime Video ги претстави првите кадри од серијалот „Марадона“ - за животот на големиот аргентински фудбалер.

Во раниот период од животот Диего Армандо ќе го игра 31-годишниот Николас Голдшмит, а подоцнежниот период од неговото патешествие го играат 32-годишниот Назарено Касеро и 57-годишниот Хуан Паломино. Сите тројца неверојатно многу личат на фудбалската легенда во одреден период од неговиот живот.

Клаудија Виљафане која му беше сопруга на Диего и живеела со Аргентинецот од 1989 до 2003 година, ќе ја играат 24-годишната Лаура Ескивел и 40-годишната Хулиета Кардинале.

Серијалот е сниман во Аргентина, Уругвај, Шпанија, Италија и Мексико. Секоја епизода ќе трае 1 час а точниот датум на пуштање на серијата во етер уште не е објавен.

Шефот на одговорното продукциско студио BTF Media Франциско Сордеро изјавил дека ќе демонстрираат една невидена страна од животот на аргентинската ѕвезда и ќе го покажат не само како шампион, туку и како човек со сите негови недостатоци и маани.

13 септември 2018 - 10:13