Место објаснувања, пушти му го др. Сафет Кудузовиќ да зборува во твое име. И може на прва да изгледа радикално ама ќе видите дека Кудузовиќ е полн со разбирање и дека тој е за тоа да се оди на море, во јануари или февруари бидејќи „март е веќе касно“.

Еминем тежи 230 милиони долари. Со толку пари во себе, му се бендисал саат и му свртел на менаџерот да го праша дали може да си го дозволи. После си го купил ама сега носи друг, евтин, пошто тој скапиот нејќе да го изгребе. E, тој и таков Еминем има напишано песна „Lose Yourself“.

Белата куќа е во рововска битка, ем на Википедија, ем на прес-конференции, за сите да разберат дека САД не се во рецесија. Против кого е битката? Против новинари, самите себе и економски експерти.

Ау, какво „клизечи“ видео направиле Русите или пак некои нивни фанови. Ги набројуваат сите можни предности и поволности кои ги има Русија во моментов и на крај закуцаваат со повик „Време е да се преселите во Русија“. И уште подрско потсетување: „Не одолговлекувајте, зимата доаѓа“.

Којзнае на која дрога, угол гол им се појави на луѓето на чардак, проба да се бори со домаќинот и кога виде дека не ја бива работата вака, реши да ја продолжи ноќта одлетувајќи преку оградата. А може само пиел Редбул па буквално го сфатил она дека ти дава крилца.

Новото правило за проверка на сертификати за ковид-19 во Кина налага дека човек треба да е на колена со изваден телефон додека на надлежниот проверувач не му се врати потврда на смартфонот дека се е во ред со клекнатиот.

На снимка која е незамислива во денешно време, што заради военото осилување на Кина, што заради погубната зависност на американската економија од Кина, тројца американски Конгресмени (меѓу кои и Ненси Пелоси) одат на Тиенанмен плоштадот (сосе камермани и новинари), вадат натпис во сеќавањето на „тие што загинаа за демократијата во Кина“ и полагаат три цвета на споменикот на мачениците.

Белец се решава на гнусен потег и облекува, ни помалку ни повеќе, мексиканско сомбреро, наметка и  става вештачки бркови. Вака маскиран оди и прашува луѓе дали неговата облека им изгледа навредлива. И сите му потврдуваат дека комплетчето му е навредливо. Сите до еден, освен сите Мексиканци кои ги праша.

Украински граничар на белоруските колеги од дистанца има да им порача дека држи граната во рака и „Алаху Акбар“. Пред да се ескалира на реплики со Калашникови, Украинците си го прибраа колегата.

Ако треба ЕДНА дефиниција за демократија да запамтите и суштински да разберете, оваа е таа. Остајте она дека демократијата е владеење на демосот (народот, луѓето). Како што знаете од секојдневниот опит, таа дефиниција ама баш ништо не ви врши работа. Ова е тоа:

Од поздравувањето со Трамп пред заминувањето од Тампа, Флорида, по митингот што го имаше таму.

Дечко гледа оглас за работа на излог на еден дуќан. Бараат сметководител. Плата 35.000-40.000 фунти. Им се јавува и вика, затворајте оглас, го имам одговорот.

Во Украина, земена како најактуелна војна а не како нечие алиби, сред воена инвазија од една од најголемите светски сили има помалку жртви отколку што во Бразил од почетокот на годинава имало во судирите меѓу полицијата и наркокартелите.

Во интервенција во метрото под Менхетен полицаец црнец решава да не прибегне кон стандардното празнење пиштол во црнец па прашување што / како / зошто. Во редок пример на дупла среќа за осомничениот, на лице место е присутен и белец полицаец кој исто така не посегнува по пиштолот. Ок, ќотек има, ама и тоа е взаемно.

Звукот е од зомби апокалипса / игрица и е монтиран на видеото, и ништо друго не е монтирано, само обично утро во Индија со луѓе што чекаат превоз за на работа.

Го однела својот тригодишен син на педијатар, тој го прашал што е, машко или женско, малиот рекол дека е женско. И оттогаш, малиот го третираат како женско. Добро што не го прашале дали е куче или маче, може со глувци ќе го хранеа.

Ветувањето што го дава секоја членка на НАТО е дека секоја година минимум 2% од своето БДП ќе го троши на вооружување. Неспорни шампиони се САД, од кои зависи функционирањето на НАТО. Ние, за одбрана во 2022 сме одвоиле 247 милиони долари, и со таа сума сме на 1,78% од БДП-то.

На Фокс њуз гостува поранешниот директор на ЦИА Џејмс Вулси. Запрашан дали некогаш ЦИА се мешала во избори во други држави, Вулси одговара дека се мешала, ама тоа било порано, а понекогаш и сега.

Багват Ман, премиерот на 28-милионскиот Пунџаб, за да ги воодушеви своите симпатизери и да покаже дека е во ред водата во светата река Кали Беин, реши да се напие чаша вода директно од реката. Ене го сега во болница, како што објаснуваат од неговиот кабинет, не заради чашата вода, туку заради редовна проверка.

Стотици африкански мигранти кои којзнае колку време дремат во мигрантските кампови во Франција деновиве извршија упад во бегалскиот камп во кој се сместени украинските бегалци во знак на протест за привилегираниот третман на Украинците, кои за волја на вистината не беа толку волни како нив да ги напуштат своите домови.

Француски инвентор на безбедносно стакло од 1930-те ја замолува својата сопруга пред лице да држи парче непробојно стакло додека овој со повеќе истрели од пушка од десетина метри оддалеченост покажува дека стаклото стварно куршум не го бие.

Русинка е фатена како детално и педантно ги покрива регистрациите на своето Бентли за да избегне плаќање паркинг на улица во Москва. Каталошката цена на овој модел на Бентли е нешто 65,3 милиони рубљи или по сегашен курс нешто над 1,1 милион долари.

Истиве овие што владеат со стотици милиони луѓе и имаат неброено оружје и моќ под себе, со години гледаат еден на друг да си го спуштат и кој кого ќе натера подолго да чека. Последниот пенал го имаше Ердоган за време на самитот во Иран.

Украинската армија моментално (со различен интензитет) треба да брани фронтовска линија со вкупна должина од 2.450 километри. Колку се 2.450 километри? Колку да возиш со кола од Барселона до Варшава и плус уште нешто.