Оди објасни и на мајка на девојче како возрасен маж што наликува на крилен центар во НБА а се мисли дека е женско треба да влезе и да користи ист јавен тоалет со нејзината малолетна ќерка.

Дојден за да одглуми колку му е грижа за палестинскиот народ со тоа што ќе се слика со локалните муслимани во Канада, Трудо за кратко време беше попратен од џамијата во Торонто со извици „срам“ и „носи си ги луѓето од тука“.

ВИ пародија со младата климатска икона, Грета Тунберг (оди ли тоа дете некогаш на школо?), иако со неа никогаш не е јасно бидејќи и сама по себе често е пародија. Грета зборува за потребата од производство на одржливи тенкови, вегански ракети (имаат етикета, не можете да ги утнете на ракетниот пазар), воени авиони на батерии кои ќе носат био-разградливи бомби...

Од 2017 година биле извршени четири илјади пробни летања и викаат дека сè е ок. Автономното летало на кинеската компанија EHang собира двајца патници, може да помине 30 километри со едно полнење и лета со брзина од 130 километри на час. Таман за по град, наваму- натаму.

Тема која кај нас е актуелна пошто во последно време ги имаа бааги (Жировница, Ростуше...), Стојанче ги брка со строг но праведен глас, Владата си дала рок од цела година за решение (значи, 'постхумно'), а оние кои сакаат да ги заштитат, мечтаат за некакви звучни и светлосни ефекти, канти со инсталиран солзавец.... Да тргнеме од Сирија и да стасаме до Русија.

Музиката која Пост Малоун ја свири и онаа му носи пари, не ја можеме баш нај-нај; хип-поп, клауд-поп, како ли и да се вика тоа (со малку јодлање и аутотјун). Ама дечкото е ултра-талентиран, без пардон. Чат пат ќе отсвири нешто рокерски и ќе сфатиш дека кога некого го бива- го бива. Кантри, уште повеќе. 

Денес, кога отворате социјални мрежи, ве преплавува цунами од идиотски изреки. „Животот е...“ е омилен почеток на некоја бесмислена умотворба која армија папци потоа ќе ја споделуваат со брзината на нивните лепливи прсти. Дополнете што било после тоа, никаков проблем, флоскулчето ќе ја најде својата публика.

Канадскиот опозиционен лидер му одржа мастерклас (додека ропаше јаболко!) на еден од оние новинари кои мислат дека со неколку етикети можат го извадат од рамнотежа соговорникот (ко слепецот од БиБиСи кој нагази на Маск, памтите?). Популист, трампист, русофил, говор на омраза... Неколку лесни потпрашања од типот „како тоа мислиш?“ или „дај ми пример“ и таквите- се губат.

Шефот на израелското воено разузнување, Амос Јадлин, во 2007-ма година: „Израел би бил среќен доколку Хамас ја преземе Газа бидејќи во тој случај ќе може да ја третира таа територија како непријателска територија.“ Јадлин го минимизирал влијанието на Иран во Газа, „сè додека немаат пристаниште.“  

Како се дрзнува да каже дека „Европа е со Израел“? Таа нема ингеренции во надворешната политика, не зборува во мое име, во име на Ирска, ниту во име на граѓаните на ЕУ. Ние сме за мир, правда за луѓето од Палестина и почитување на меѓународното право. Крајно време е Урсула фон дер Лејен да замине и со неа да се позанимава судот во Хаг.

Интересен гостин имаше Пирс Морган за војната меѓу Израел и Хамас. Египетскиот комичар Басем Јусеф кој издоминира со црн хумор, факти и многу сарказам, кој, додуша, на моменти стануваше пасив - агресив. Морган невообичаено повлечен, особено откако соговорникот иронично му кажа: „Знам, знам, ти си од добрите дечки“. А овој не е навикнат да е од добрите.

На седми октомври Хамас изврши брутално жесток напад на Израел и оттогаш Израел се одмаздува со брутално жестоки напади на Газа. Дали смее да ви е жал за сите жртви? Апсолутно не, мора да одберете страна, објаснува The Onion (кромид, ви текнува?).

Девојка од публика се расплака затоа што говорникот немал обзири и почит кон народот кој најмногу страдал од нацистите. А татко му на безобзирниот говорник бил во Аушвиц, мајка му во логорот Мајданeк. Следи жестока лекција по принципиелност од Норман Финкелстајн, политички научник, експерт за израелско - палестинските односи и политиката на Холокаустот.

Нa патот Изола- Копер (Словенија), возило врти во погрешен правец и на него налетува друго возило. Оваа што врти имала 60 години, во неа удира возило управувано од 50 годишна жена. Едно лице е потешко а друго полесно повредено. Најјако е што оваа што е крива, најпрописно даде жмигавец дека ќе оди лево.

Грегори Доран (режисер и еден од врвните светски шекспиролози), објаснува како се родил еден скеч со Хамлет и неговата најпозната реплика: „Да се биде или не, прашање е сега“. Поконкретно, што од тоа треба актерски да се акцентира. Да видите до каде можат да одат тие дилеми околу една обична реченица и кој сè упаѓа на сцена. Генијално.

Поранешниот премиер на Израел, Нафтали Бенет, во разговор со британски Скај њуз го дочекуваат со прашања од типот што е со бебињата и старците во Газа. Бенет (кој уште во првите часови од упадот облече униформа и се пријави за служење) неќе ни да чуе, ако Хамас не мислел на нив, нема што Израел да мисли на нив.

Снимката доаѓа од украинскиот фронт од припадник на една од чеченските единици која се бори на страната на Украина. Човекот има проблем со дволичноста, откако Киев изрази поддршка за Израел во борбата против палестинските терористи. Неговото равенство вели ако Палестинците се терористи затоа што се обидуваат да ја ослободат својата територија, тогаш и Украинците се терористи затоа што се обидуваат да ја ослободат својата држава од руската окупација.

Оној злотвор и претстедателски лузер, Хилари Клинтон, вика дека фановите и симпатизерите на Доналд Трамп се како членови на секта и дека треба да се соочат со некакво „формално депрограмирање“. Ај уште еднаш - формално де-про-гра-ми-ра-ње. На 70-тина милиони луѓе. Па Менгеле не беше волку амбициозен. 

Илон Маск го ретвиташе ова видео старо девет години во кое Џон Стјуарт (Јон е со еврејско потекло, вистинското презиме му е Лебовиц), смислил одлична показна вежба што се случува ако некој се дрзне да ја преиспитува човечноста на израелските политики. Дечки, тоа не значи дека тој автоматски е за Хамас, порачува Стјуарт во неговите златни времиња.

„Дали осудувате“ и „Дали се оградувате“ се зицер новинарски  прашања со кои соговорникот го држиш на узда, прикован на пожелниот наратив на темата, без да  му дадеш шанса да ја одзумира сликата и да ги прикаже работите во контекст (пред да осудува и да се оградува). Тоа го проба БиБиСи со шефот на Палестинската мисија во Англија, Хусам Зомлот. Не им успеа.  

Џон Ленон деновиве ќе полнеше 83 години. Фанови на Битлси решија да се соберат и да го прослават денот со песна. Се разбира, во Строубери филдс, дел од њујоршкиот Централен парк посветен нему. Ах, да дојдеше и Јоко, па да запее и таа, па да се разбегаат сите ко глувци.

Еден рабин кој порачува дека христијаните не треба да му се молат само на еден Евреј (Исус) туку  на сите Евреи зашто тие секој ден гинеле за нашите гревови и се единствените кои нè чувале од Орките. И една муслиманска замлата од Њујорк кој знае која е исправната религија и порачува дека нема да сопрат додека Алах не стигне во секој дом.

Ако во светло на распаљотката во Газа и Израел, војната во Украина, вечното клокотење на Балканот, чистката во Нагорно Карабах, комплицираноста на Сирија... сакате да сфатите кој е со кого а кој против кого и притоа најдете соговорник спремен да ви одговори на дилемите, никогаш не одете до крај. Колку и да е трпелив човекот, секогаш ќе завршите вака.

Како што Хабиб ќе порача во едно интервју: како тоа ти планираш да станеш светски шампион ако не преспиваш попладне по два саати и навечер не си легнуваш во 21.00? Без разлика што ви рекламираат, еден од најсилните допинзи што можете здраво и бесплатно да ги направите е да легнете да спиете.