Во животот имаш приоритети и имаш пиво. Лесно се наоѓаат нови приоритети.

Знаете ли што е АНАТИДАЕФОБИЈА?

Откако ќе видите како во некои делови на Африка се решава главоболката, има да ги гушнете своите омилени таблети и сосе златце да ги пиете. Запазете го само тој звук!

Добро е што летово завршува па може до следното ќе попушти заклетвата зад која во моментов цврсто стоиме: никогаш, НИКОГАШ повеќе во море! А и за када да се размисли. Just wait for it.

Споменичната еуфорија кај нас наликува на Њујорк на почетокот на 30-тите годиниа на минатиот век, кога грозничаво се граделе облакодери. Разликата е во тоа што на Американците не им пречело да внесат хумор и авто иронија во приказната. Кај нас само бескрајни дрвења, во обата правца. Да ѕирнете една фотка па замислувајте колку добро би изгледало ова во наша верзија.

Можете да не ни верувате ама ние стварно познаваме близначки кои вака се радуваат. И тоа го имаат научено само гледајќи го татко им, кога ќе седне на маса а ќе му кажат дека шприцерот е изладен.

Го чекав на она прекршеното кај парчето десно-горе, ама и тоа го нацрта! Си немал ѓаволот апарат, си ги цртал картите....

The Big Lebowski на благајните мина ужасно, кај критиката така-така ама затоа стана убер култен филм за секој кој држи или посакува доза залудност во своите животи. Постои и вистински лик по кој е правен The Dude. Левичар, демонстрант, промотор на инди филмови (им помагал на браќата Коен со нивниот прв филм), малку подебел од Џеф Бриџис... ама, тој е!

Од нула до сега раскажано од Луи (ненамерно), со многу клипови од времето кога бил суруш, па додека да дојде број 1 и сето тоа со многу спомнување на Џорџ Карлин.

Не навлегуваме што ви е и зошто ви е така. Ама ако нешто не е како што треба, барем ова може да го направиме за вас.

Нема поосновна работа од вадење тик-так од кутивче, фаќаш и тресеш, така? Епа не баш така и за тоа имало фора.

Твитот е една бескрајно долга и досадна форма во однос на тоа како се разбрале Виктор Иго и неговиот издавач. Нешто како денешното тинејџерско комуницирање со змии, само во аналогна и интерпункциска форма.

Легендата вели дека Јура Стублиќ од Филм запознал жена од Кина. После една интензивна заедничка медитација, Рол Овер Јура ги отворил своите застаклени очи и прашал: "Кој е најлесен начин да одвоиш жолчка oд белка?" Таа му покажала а Јура седнал и го запишал стихот: "ти си жена која тајну зна".

Приказна за една ергенска забава во Шведска. За тоа како лесно поминал младоженецот и зошто во иднина неговата сопруга нема баш многу да го бацува во образ.

Dirty Dancing е еден од нејневините романтични лимунади меѓу филмовите, евер. Но, кога истиот тој материјал би бил преработен преку филмската диоптрија на еден Дејвид Линч, тогаш настанува ежење. Одлично парче.

Откако ултра ажурниот министер Никола Тодоров ќе го изрегулира секој детал од неговиот ресор: "Правилник за држење стетоскоп", "Упатство за давање урина на преглед (правило на десна рака)", "Бодовник за поседување свеж фикус во ординација и друго"... веројатно ќе дојде и до идеја дека во интерес на македонскиот пациент а за негово полесно снаоѓање во здравствените лавиринти, добро е секоја клиника, поликлиника, оддел и амбуланта да имаат своја карактеристична службена песна, тоест химна.

Наравоучение бр1: никогаш не буричкај по туѓи Фејсбук профили. Наравоучение бр.1: ОСОБЕНО НЕ по профилот на постариот брат, бидејќи тој знае да врати офф нет. Хајлајц: кога тинејџерот признава дека го мрзи да враќа во првобитна состојба.

Веселиот крик на Бранко Коцкица нема врска со почетокот на школската година во Чеченија ама тамошните горди татковци кои дочекале да ги пратат своите деца на училиште звучат исто како него. На овие деца најверојатно им даваат писмени задачи од типот: "Што сакам да станам ако пораснам."

Прашање на ден е кога нашите локални тајкуни ќе се сетат да го копираат примерот на богатите фаци од пренаселениот кинески град Жужоу. Индивидуални градби за живеење, со пристојно големи дворови и што е најважно - поглед од високо. Плус не ти лизга куќата како на Водно.

Советите доаѓаат од Бастер Мартин, вработен во водоводна фирма, маратонец, никогаш вода, само пиво, цигари - швајца. Да, и има 101 година. Штета што советите се неупотребливи бидејќи самиот ни порачува дека тој не е како нас, нормалните луѓе.

Интернетот лесно ги навикнува луѓето на некои свои содржини. И одеднаш, заради којзнае која причина, ќе снема интернет! Па зависниците мораат сами да се снаоѓаат. А кога ќе дојде интернетот, задолжително е да се сподели :)

Оваа британска двојка никако да се реши каде да се веча па во меѓувреме со трејлер шпартаат по планетава и прават генерални проби. Минале 20-тина локации, им остануваат уште 10, на крај ќе одберат едно од местата и - ќе имаат дежа ву.

Џабе прави човек бренд, ако некој не се потруди да му го ископира што е можно полошо. Дел од не-брендовите кои можат да се најдат по светот, посебно во азијатскиот дел од светот.