Се вика Тјалф Спарнај и е намерачен на сликање храна. Конкретно, хипер-реалистична храна. Сериозно, премногу е добар и сè изгледа баш како што треба да изгледа.

Објаснување во една слика.

Бре Кавадарци, од еден лав се исплашивте. Да видите во Скопје какви сè животни ни шетаат по улици. Туку, да се најдеме во тешкото па да помогнеме.

"Old Blues Eyes" бил махер за практични работи. Неговиот омилен хамбургер го правел во само три чекори. Во подготовката првенствено се потпирал на помош од својот френд Дин Мартин. Ги имаме оригиналните рецепти.

Френ Лебовиц (1950.) е ортодоксна њујорчанка, жесток борец за правата на пушачите, своевремено ангажирана од Енди Ворхол, одрасната во еврејско семејство и според Венити Фер една од најелегантните жени на сите времиња. Пар мудри и дрски зборови произведени од ова нејзино фино биографско шаренило.

Васко Серафимов и Гиле (Ел. Орг)

Објаснувањево не е од никој надлежен од MTV или на кој било начин поврзан со телевизијата, ама го има веројатно најдоброто објаснување на темата. До крај на видеото некако ќе почнете да ја гледате и нивната поента.

Легендата вели дека Ернест Хемингвеј еднаш се кладел дека може да напише приказна со помалку од 10 зборови а таа да може некого да расплаче. На мајсторот му беа доволни само 6.

Jacques Séguéla еднаш рече: "Не ѝ кажувајте на мајка ми дека работам во адвертајзинг агенција. Нека продолжи да верува дека свирам пиано во јавна куќа". Во чест на оваа напатена професија, мала збирка од идиотски барања на клиентите.

"Научников" пред нас тврди дека нема ураган туку дека Земјата се врти многу брзо. Ете, тоа е големата привилегија од демократијата, што секој има право на свое глупо мислење.

Во сенка на популарните спортови, досадниот мини голф си тера своја драматургија, со вистински махери на играта, олимписка посветеност, победи и падови. Да видите колку тоа сериозно се сфаќа.

Пирс Морган од CNN дознава за бруталниот телефонски повик на Џон Стјуарт до Сет Мекфарлен од Family Guy по повод нивните различни ставови за штрајкот на холивудските сценаристи. И како мало глупо дете (читај: Саше Политико), го с'ска Фарлен да го искористи интервјуто да го шамара Стјуарт.

Ако во ова интервју од 1993-та година инсистирате по секоја цена да ја сфатите смислата, може дебело да се разочарате. Сепак, прилично забавно бидејќи се работи за две зезнати величини: Хантер Томсон (Fear and Loathing) и Кит Ричард (Rolling and Stones). Како Сури да го интервјуира Кили.

На робустниот Александар Тијаниќ, новинар со угледна километража, можеше да му се фаќа кусур за многу работи: за неговите флертувања со глупи политички опции, за неговата бахатост, самољубие, шерифски стил на пресметка со неистомислениците... Но, овој негов говор пред студентите на политички науки е мастерпис кој мава директно меѓу рогови.

Престижниот бостонски Харвард некогаш даваше лица како Френклин Рузвелт, ТС Елиот, Барак Обама, Томи Ли Џонс (да, да, бил цимер со Ал Гор). Што е најново од денешните студентите на Харвард?

На заебантите кои позајмуваат гласови во анимираната серија "Family Guy" им текнува дека прес конференцијата има и преведувач за глувонеми па решаваат на жената да ѝ ја извадат маста, нафрлајќи ѝ за превод мрсни зборови и експлицитно описни реченици. А царицата си го одработи хонорарот до последен факинг цент.

Еден од најекеспресивните ликови што сте ги виделе. И тоа не раскажува било што, туку виолински концерт на Паганини.

Намерно ја пуштаме оваа снимка за да се види како тоа јадно и очајно и тажно изгледа (ако некој воопшто верува дека е кул). Патем, немаме појма на која дрога се младиве ама ни изгледа како нешто скроз обратно од "спид".

"Во човековото тело има доволно крв и за солидна ерекција и за правилно размислување. Само не во исто време". Оваа стара мудрост изгледа важи и за релацијата мускули - мозок. А плус да видите едни пријатели сожалливи што има дечково...

Финтата добра а дечково навежбан стотка: со својот мобилен на уво се приближуваш до некој што навистина зборува на мобилен и почнуваш да одговараш на неговите прашања. Збунка. Додека некој не ти влепи шамар.

Како би звучел Џастин Бибер во метал верзија, Слипнот преработен за Дизни, Нирвана во реге а AC/DC во фанк? Пуштајте звучници, супер звучaт овие заебанции. Плус, не те јаде срам што го слушаш Џастин Бибер.