Вистинско време да се потсетиме на оваа луда дружина: Апостол (режија), Мухарем (вокал), Обама (славеникот), U2 (свадбарскиот бенд) & Рамо (главна машка улога).

Поради низа неправилности во гласачкиот процес при што најчеста појава е заокружувањето на името на кандидатот со користење на крајно неправилна кружна форма, како и бројните случаи на полнење на гласачките кутии во корист на само двајца учесници во трката, познавачите велат дека е можно претседателските избори да бидат прекинати. За попладне ДИК најави прес конференција.

Имаме прилично разумно објаснување за календарот на Маите чие предвидување дека светот ќе заврши на 21 декември 2012-та година предизвика глобална хистерија. Тоа е тоа.

"Се плашам дека ќе дојде ден кога технологијата ќе ја победи човечката интеракција а светот ќе добие генерација на идиоти"

Ова е стара маалска дисциплина, менување на делови од текстовите, за да се добие нешто од типот: "Гив ми роуп, Џоана!" (или како беше онаа од Глориа Естефан ор самтинг "... свињо дебела"). Десетина одлични "препеви" кои заслужуваат да станат официјални текстови од песните.

Треба да се оди на гости и да се примаат гости. На тоа се држи ова малку од нашиот живот.

Секојдневно се натпреваруваат во различни дисциплини. Некои од нив веќе ги познавате, но еве ги на едно место - ѕвездите на РОИ, секој од нив поедеднакво фасцинантен како Усеин Болт или Мајкл Фелпс.

Можеби е добро што никогаш нема да дознаеме на кој алкохол, дрога или некое трето гајле се наоѓа овој јаден женски створ што вака упорно се обидува да си ги облече наочарите.

Хака е стар маорски танц со кои се изразуваат колективни чувства. Се користи често во Нов Зеланд, од различни групи и по различни поводи. Една од најчудните апликации е кога хака ќе заигра војската.

Имаме две очи за да може да гледаме во 3Д, имаме две уши за да можеме да ја одредиме локацијата на изворот на звукот. Но, зошто имаме две ноздрви? Нели е пологично, како устата, да имаме една (добро, поголема) дупка среде лице? Не.

Џими Пејџ призна дека им требале две години воопшто да седнат и да ги прегледаат снимките од повратничкиот концерт на Лед Цепелин во лондонската O2 Арена од 2007-ма. И уште три години да состават ДВД од тоа. И еве ја првата снимка.

Не мора да сте идеален човек за да бидете идеален родител. Убер шармантна реклама на тема посвојување.

Како изгледа кога симултано ќе провериш (на исти уреди и на иста мрежа) како функционира гласовното пребарување на Apple Siri во однос на новата 2.5 верзија на соодветната апликација на Google? Сте виделе две бесни машини, како се тркаат изедначено од прва до последна секунда? Е па, не така.

Најболен удар врз пензионерите беше укинувањето на идеалните чекчиња и принудувањето на стари години да се расправаат со оние ѓаволски банкомати. Но, некои од нив брзо се организираа во формација: Терај, јас ти чувам грб!

Џими Кимел е цар за интерактивно зезање со помош на публиката (досега омилено парче ни беше ова). Овојпат ги повика родителите да испратат видео како нивните деца реагирале откако ќе им биде кажано дека "им ги изеле бонбоните". Да видите само какo тие ја примаат оваа апокалиптична вест!

Кампањите за борба против ракот на дојката досега главно се потпирале на шокирање заради подигнување на свесноста за проблемот (груби оперативни резови, уништена самодоверба кај жените...). Една чилеанска рекламна агенција проблемот го адресира од сосема поинаков агол: што мажите губат?

Да е Јани паметен па да реши да заигра малку на картата на македонската конзервативност и традиционализам. Како се прави тоа? Собираш неколку скопски травестити (ги има, не се секирајте) и сите викаат дека нивни кандидат е - Коце! Можете да ги замислите реакциите? А треба, и онака, што има да изгуби :)

Некогаш едноставно не можеш да се разбереш на факултет / работа / проект дека тоа што не си напишал некој документ не значи дека си мрза, туку само дека имало поинтересни работи за правење. Едно од можните решенија (барем за кратко) е тој другиот да добие корумпиран документ што не може да го отвори. Го имаме сајтот што ќе ви заврши работа.

По два примерока на три типа на апликации за Андроид. Сите се бесплатни и сите добро функционираат. Некои ги имало наоколу, некои се скроз нови. Сите заслужуваат инсталирање.

Да не чувствува локалниов Сеат дека му вршиме притисок, ама еве како во Русија изгледа презентација на Leon FR.