Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Фала Европо

По повод последното недобивање датум за преговори со ЕУ, еден мк дизајнер направил прилично фин плакат, со минималистичка културна порака. Ако ви се види згодно, шерувајте наоколу.

Менует за трамболина и ѕид

Добро скокање по трамболина само по себе е фасцинантно за гледање. Ако трамболината ја ставите до некој ѕид, се добиваат бонус матрикс моменти. Дозволете тоа да ви покаже Кристоф Хамел, нинџа.

Летање 360

Уште една веб апликација која ќе ја нахрани нашата мрза. Тие летаат со змеј, ние гледаме како тоа изгледа. 360 степени. Тие ако се замаваат во планина, ние лагодно се префрламе на некој друг линк.

Инстинктите не лажат

Добро, ние сме шовинисти полни со предрасуди на тема, жените се трупови за возење. Животните не се такви, нели? Еве, едно куче нека пресуди кој е подобар возач.

Kentucky fried people

Едо Маајка пееше: "Amerika nije rad i znoj, Stulicu lag'o si, jeboli te onaj stih tvoj". Со темната страна на американскиот сон се занимава фотографот Шелби Ли Адамс покажувајќи ни ги луѓето од најсиромашниот дел на Кентаки. Денешни се сликите, ако изгледаат кaко ликови излезени од филмот "The Others".

Дефиниција за половичен успех

Во школо, тоа е кога ќе добиеш тројка. Во фудбал е кога ќе издејствуваш нерешено. Во затвор е ова.

Потег на денот

Бил О Рајли е апсолутно највлијателниот американски тв водител. Тоа што нам не ни се по ќеиф огромен дел од неговитге ставови, не значи дека типот не знае да биде кул. Оној јадник Трамп, баталете го. Рајли е пред него.

Како се вика оберучке на македонски?

Девојчево пишува со две раце истовремено. На два јазика. Во различни правци. Тоа.

Пропаганда

Интересен дел од севернокoрејски пропаганден филм со кој се сака да се "разобличи западната пропагандна машинерија". И чудо едно колку Корејците се во право.

Каде бе таму?

Одамна не сме биле вака прелажани како со ова претицање. Добро, не доаѓа камион од другата страна. Добро, наместо на пат, заврши возејќи по нива. Ама, не е добро, верувајте.

Шеќерната волна е фрлена

Бевме задоволни од локалните продавачи на шеќерна волна и нивните стандардни креации (шифра: фризурата на Марџ Симпсон). Сè додека не го видовме батково и неговите цветни решенија. Сакаме вака инаку ќе купуваме само јаболка во шеќер!

Долче и Рубинче

Добра вест: Рубинчо (Благадуша) го изгуби деминутивот од името и сега е Рубин, со што добива на јувелирска тежина. Лоша вест: И натаму пее. Тоа што џапа песни не му земаме за зло, бидејќи Благадуша е постмодерен концептуалист.

Ја имаме!

Еве ја Епизодата! Карл Пилкингтон во Македонија! Спие со чергари, оди кај дервишите, пробува да полета со балони, не знае како би продал куќа со подрум полн ковчези... После Свети Павле, ваков човек не ни дошол на гости. Цела македонска епизода, со преводи, бујрум.

Луи одговара Прустов прашалник

Венити Фер има постојана рубрика, Прустов прашалник, на кој сосема пристојно до сега одговарале бројни битни фаци, од Надал, Дастин Хофман, Доли Партон, Скорсезе. Сè до најновото издание, кога го викнале Луи Ц. К. Веројатно веќе зажалиле.

Инстаграмирање на рокенролот

Кога Џони Кеш денес би бил жив,дали би се смарал со интернетот и со циркуси како Твитер, Фејсбук и Инстаграм. Како за споредба ги имаме Ролинг Стоунс кои секогаш се живи, а тие користат и Фејсбук и Инстаграм.

Идеалниот автомобил за на снег

Иако имавме кратко време да организираме тестирања за тоа кое од актуелните возила е најдобро за возење во снежни услови, еден модел сам се одвои од конкуренцијата. Ако го догледате видеото до крај, ќе сфатите и една друга работа, не е само до колата, и до шоферот е.

Кога семејството ќе заспие...

Жената легната, детето легнато, доаѓа време за: а) гледање филм на раат, б) читање книга на раат, в) зајапање во плафон на раат? Не, главата на ова семејство има поинаква пасија. Им балансира работи на заспаните и после ги објавува на интернет. Којзнае преку ден колку им е корисен.

Дневник со дневник се избива

За да се олабавите од актуелните вести кои ве прават напнати, нервозни, несигурни и збунети, ви нудиме 58 минути - вести. Новогодишниот дневник на ЈРТ од 1967-ма година (Бранка Станковска убава како Елизабет Тејлор, Оливер Млакар со коса, Тито и испратил честитка на Индира Ганди, Дедо Мраз на скопскиот плоштад...). Спокојно, оптимистично, човечки. Да ги видат денешниве вести, овие луѓе би помислиле дека во иднината завладеало беснило.

Денови без хендикеп

На 3-ти декември беше одбележан светскиот ден на лицата со хендикеп. Преброивме над 50 мк медиуми кои тој ден пишуваа на таа тема. Една недела подоцна, тешко дека ќе најдете било што за овие луѓе. А радости можат да им се прават секој ден, на различен начин.

И шуто и афричко

Во тоталните распаљотки на африканскиот континент, правото на учество е прилично слободарски решено. Возраст, тип на оружје, стил на облекување... Потребна е само желба да се гине.

Најдобри другари

Нема муабет ама по она што ние можеме да разбереме од видеото, титлот би одел вака:
- Хеј! Види ова. Чекај малку. Чекај ме. Ќе ме чекаш? Така? Почекај. Почекај малку нешто важно што морам да направам.
- Ок.
- (1. минута подоцна) Ух, важна работа завршивме. Фала ти друже.