Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Дали те бива да направиш една улица во Скопје?

Сметај дека некако си добил врховна власт и дека баш ТИ треба да решиш како ќе изгледа некоја улица во Скопје (или кој и да е град што сакаш да го владееш). Ти даваат да одбереш колку метри сакаш да ти биде широка улицата и после тоа редиш елементи: лента за автомобили, посебна за автобуси, посебна за велосипеди... Едноставно имаш можност да ги исполниш сите свои влажни урбанистички соништа. Ај види на што ќе ти личи населбата.

Па не си ми мајка!

Само на најлошо да се мислело. Еве го одговорот на старата (и досега непостоечка) законитост: Зошто сопствениците на кучиња послабо пливаат од останатите? Затоа што кучињата им мислат дека секогаш треба да ги спасуваат од вода.

Ако можеш, пробај повеќе

Откако ќе стигнеш до таму до каде што можеш, одма продолжи на идното, на повисокото, на што и да е, само да е поголем предизвик од тоа што си го минал до сега. Барем Најк така вика.

Каде ние грешиме?

Видете, и тој и ние сме чеда божји. И ние знаеме де се прекрстиме како него ама потоа овој брат кажува молитва ("Господе, не воведувај нè во искушението да одиме лангзам и избави нè од гравитацијата...") која нам никако да ни упали.

Бучни комшии

Кој ако не Македонец ќе направи документарец на тема бучни соседи. Но, не е тоа што го очекувате. "За време на снимањето на овој филм не е прегорена ниедна бор-машина."

Земјо моја

Да видите зошто делегација на Офф.нет оди кај своите летечки браќа од Стенковец само ако таму нè чека крцкаво аеродинамично моделче со јаболко во уста. "Качи се бе еден круг, ќе се престрашиш." Аха, и после вака....

За која држава има најмногу вицови во друга држава?

Идејата е да се направи мапа со тоа во која држава за кого се прават најмногу вицови. Па така во Македонија, Албанија и Турција има најмногу вицови за Грците, за нас најмногу вицови има во Бугарија, Грција им е намерачена на Албанците, а Италија е единствена која најмногу се исмејува самата себе.

Најди кој лик го глумиш во маалски баскет

Мажи, време е да се погледнеме во огледало и да си признаеме како луѓе - без разлика што мислиш за себе, ти си еден од овие ликови. Во најдобар случај, само еден.

Let Forever Be

Точно 7 години поминаа од видео спотот на Мишел Гондри (Eternal Sunshine of the Spotless Mind) за песната "Let Forever Be" од Chemical Brothers. И тешко дека некој во меѓувреме направи подобар.

Уа шепкачи

Да бидеме искрени, првпат слушаме за оваа ајфон апликација. А има далеку повеќе посети од CNN.

Рапсодијата одвнатре

Брајан Меј се враќа зад миксетата за да објасни како е снимена легендарната балада кој се претвора во опера за да заврши со хеви метал оргазам.

Тенковски биатлон

На маргините на светскиот самит во атлетика, во Русија се одржа и суперфиналето на тенковскиот биатлон во категорија Т- 72B. Малку натпреварувачки, малку парадно.... победија Русите.

Омилени поп песни на рокерите

Слеш - Кејти Пери? Слипнот- Аба? Мерилин Менсон - Тимберлејк? Како ли би изгледала анкета со македонски рокери на тема омилени турбо фолк песни?

Кока-кола сака да живеете како дедо ви

Како му изгледал денот на дедо ви, од станување до враќање од работа, како ви изгледа на вас. Скромно и на велосипед.

Доли, поспоро малку

Како да ја направиш Доли Партон да звучи како маж? Забави и ја песната. Песната е Jolene, пејачката е иста, и ова и е веројатно најдобрата верзија до сега.

Нашиот Буда

А сега, господарот на здравиот разум, шаолин мајсторот на способноста ништо да не може да те одушеви, господинот Карл Пилкингтон.

Комплетче за Павлов рефлекс

Дури и најголемите дунстери од школо го памтат познатиот експеримент на рускиот физиолог Иван Павлов за рефлексното однесување и значењето на наградите и казните во учењето на пожелни и непожелни однесувања. Сега финтата се продава како комплетче.

Тито & Киро гоус ту Холивуд

- Друже Киро, да ми правиш друштво во Холивуд, да не бидам сам со Јованка и нејзината пунџа? - Да ти правам, друже Тито, што да не ти правам. Легендарното парче "Филмске новости" (инфо пропаганда емитувана пред кино проекција која ни беше сосема доволна доза вести) на која се редат славни ликови: Едвард Робинсон, Јосип Броз, Рок Хадсон, Глен Форд, Киро Глигоров, Ширли Меклејн...

Умрев од седење

Дури и секојдневно вежбање по еден час не може да ја надомести штетата од 11 часовно седење пред компјутер или телевизор. Видео клип кој ќе ве потсети на неколку основни факти.

Get Bassy

Лeтниот хит на Daft Punk, четири подебели жици и разиграните прсти на Џим Бенет.

Хендрикс во осум и триесет

Треба да свири претходната вечер ама дождот ја одложува свирката. Еве го насабајле, 8:30 часот, ѓубре неисчистено од претходната вечер, пред 40.000 луѓе. Вудсток, 18-ти август, 1969-та година. 56 минути.

Архи братот на Гоце

Студентскиот дом Гоце Делчев од Скопје  имал свое поголемо архитектонско братче, кого судбината го одвела дури во Сингапур. Се извинуваме за секоја солза која ќе биде пуштена од станарите на Гоце.

Колку ви се стари ушите?

Не, не е можно, мора да се заебаваат овие. Веќе на 15.000 херци - ѕид!