Американската десница тврди дека главните медиуми испуштиле доста битни работи во портретирањето на ликовите во случајот Мартин - Зимерман. Да потсетиме, судот го ослободи убиецот но јавноста застана на нозе против пресудата која се толкуваше како остаток од расната дискриминација.

Кратка видео снимка од една венчавка во која нема да ве занима ни невестата ни младоженецот туку цело време ќе чекате да го видите криминалецот кој седи зад оргуљите.

Снимка од 90-те од акција на Јужно-африканските специјалци за спречување вооружен грабеж. Некаде после средина почнува холивудска акциона сцена.

Од секојдневието на еден човек кого искуството го научило никогаш да не им верува на жени со бебиња. Конкретнава, не само што лесно ја изгуби главата на своето чедо туку на крај го обвини и партнерот затоа што не можат ни пристојна носилка за бебиња да имаат. Но, барем насмевката ја нема изгубено.

Ако во несреќен случај изгубите една своја рака (ви ја одгризе лав,  ве стигне шеријатска правда и сл), отсега имате една секирација помалку во врска со својата нова телесна конфигурација. 

Приказна за 97 годишниот Хал Ласко, поранешен графички работник и типограф. Пред 15-тина години почнува да го губи видот. Волјата за живот му ја враќа неочекуван ангел - програмот Пеинт на Мајкрософт. Оттогаш, 10 часови на ден, пиксел по пиксел, дедото си ја полни смислата на своите старечки денови.

Доктор Хаус траеше 8 сезони или 177 епизоди. Еве ја целата серија сведена во 7 минути и 41 секунда, главната приказна околу Хаус, без делот со работата и дијагнозите.

Следниот game changer во нашите животи нема да бидат цвикерите на Гугл (ко да и ова што сега го гледаме без нив не ни е ту мач) ниту некој нов смартфон кој ќе ни понуди уште некој вишок гигапиксели. Тоа е тегла која се користи како кармин за да може конечно да ја надминеме искрената болка кога оставаме делови од нашата омилена мазалица во оние нефер ќошиња на дното или пак во онаа кривина при врвот која ни е недостапна ко ЕУ.

Еден денешен ироничен спот и една стара добра песна.

"Ако оваа револуција не успее, во Куба ќе имаме пекол. Чист пекол".

Во автокомпанијата Форд се надеваат дека Американците можат да научат да користат и мануелен менувач во автомобилите кои ги возат. Па направиле менувач кој вибрира кога треба да се смени брзина.

Marussia Motors, првата руска компанија која почна да произведува премиум скапи автомобили, организираше дизајнерски натпревар за автомобил во кој заслужува да се вози рускиот претседател Владимир Путин. По добиени 100-тина решенија, одбран е убедливиот победник.

Овие од Влада се прилично педантни кога нè бојкотираат за нивните кампањи ("заеби ги офф.нет, тие ич не ни се јасни") ама затоа ни се оддолжуваат со давање ексклузивни содржини за нашиот сајт. Од денешниот фид го одвојуваме видеото кое ни го пратија со шифриран наслов "ВКИКС(впј)ЗКОСБ", што на обичен македонски значи - Видете како изгледа кога Ставревски (во плавата јакна) зема кредит од Светската банка. Кул.

Некои од советите во ова видео се преоптимистички (дека никој нема да ти краде шампон), некои се блесави (со сладоледот), ама некои може да се пробаат (тоа со шишето или мравките). Нормално, прво се пробува она со хамбургерот пошто е all - season совет.

1) Вака изгледа лудо паркур движење преку најненормални пречки видено низ очите/кацигата на оној што се движи. 2) Исто вака изгледа движење по најнормална патека (улица, тротоар, скали) на човек ко се враќа дома со доволно пиво во себе.

Има луѓе што се изгорени да научат некој инструмент ама знаат дека немаат дарба. А малку треба за тоа. Само цврсто да заспиеш и да имаш талентирани другари.

Човек може да се дигне во воздух три метри и да лета 60-тина секунди, без никаков мотор или трето око за левитација. Потребна му е само една шклопоција која ќе ја видите на "повеќе"

Осум години на потиснати чувства, емоции, немање паузи за тоалет и генерално немање детство, децата на Тед по годините минати на кауч слушајќи ја бескрајната приказна на татко им.

Во 1984-та, Talking Heads свират на Вембли, специјално за Channel 4 на BBC. Дејвид Брн е назначен за креативен консултант на 68 минутниот документарец Once in A Lifetime (познат и како Talking Heads Vs. Television) во кое има жив настап, интервјуа и бизарни видео материјали. Инџој.

Во недостаток на соодветен видео материјал, новинаркава решава самата да "визуелизира" делови од својот прилог. А се работи за тоа што човек треба да прави ако се сретне со мечка. Со надеж дека мечката ќе има смисла за хумор или сочувство.

Адидас отвора нова продавница за патиките на Дерек Роуз во Лондон. Го има само најновиот модел и секој пар е бесплатен. Секој што ќе влезе може од полица да земе само по еден пар. Цаката е што полицата е на висина на професионален кош - 3 метри. Кој дофати, зема.

Да бидеме на чисто, нема видео што можеме да го пуштиме што би го натерало човек да не јаде виршли (или паштета). Плус, тоа не е ниту идејата на видеово. Иако можат да стават носени цокули внатре и да не се ни посомневате дека е нешто чудно.

Чисто за документирање следната репортажа ја пренесуваме без никаков коментар. А има што да се каже.

Пекиншко метро, линија 13, кое било утро во работна недела.