Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Како се троши буџет за спот

Бендот Red Fang имаат 5.000 долари буџет да снимат видео спот. И прават видео спот во кој ни покажуваат како се потрошени парите од буџетот. Генијална идеја, речиси како онаа од спотот со спојувалката.

Мујо во Сирија

"Опколено Сараево. Градот се бомбардира, пукаат снајпери од сите страни. Мујо седи на клацкалица на трем и ладнокрвно се клацка. - Што правиш, црни Мујо? - панично го прашува Хасо. - Еве Хасо, го дупам снајперистот". Тoa е вицот. А ова е Мујо во Сирија. 

Деца, напнете

- Копиљаци, што ќе отсвирите за нашава раја на Оффнет? - Па, планиравме Tool. - Не се заебавајте, земете нешто полесно за свирење. - Само 7 минути, може?

Како не разбираш...

Значи, за сите жени во нашиве животи со кои се изнамачивме да им објасниме што е офсајд додека они тврдат дека е НЕМОЖНО женско да сфати што е финтата. Е, како она може???

Кинези во време на невреме

Тајфунот Хунгжу во неделата мина во близна на кинеската провинција Жеџианг. Ова е првата инстинктивна реакција на жителите за време на тајфунот.

Анти анти анти ГМО

Нашата неодамнешна полемика на читатели на тема ГМО добива еден сериозен инпут од страна, кажан на прилично забавен начин; преку прилог на Џон Стјуарт, на сметка на Монсанто и перверзиите со патентирањето. Не се плашете, овојпат нема многу линкови, саде видео е.

Совети за живот од луѓе во години

Што совет би им дал човек што е над 60 години на луѓе кои се два или три пати помлади од нив. На сите теми и општо за животот, од партнерот и парите, до болки во колената.

Иднината е стаклена

Од оние концептуални видеа во кои ни доловуваат како ќе живееме во блиска иднина, сите со згодна жена, со умни деца и со полно паметни стакла околу нас. И пред 20 години имаше вакви убави најави, па ене, на Љунфер брдо и ден-денес се пие Кавадарка.

Отоманска кинематографија

Западни филмови (Inception, Alien, A clockwork orange, Kill Bill...) пренесени во времето на Отоманската империја. Целата работа е дел од дипломската на Турчинот, Мурат Палта.

На што се смее Путин?

Новинарот: "НАТО тврди дека ракетниот штит не е нaменет против Русија туку против Иран".
Владимир Путин:

Цел шаржер Клеш муниција

Гигантот Гугл постојано сака да ни се претстави како другарче од маало и овојпат -  успева да нè убеди. За промоција на својот медиумски дуќан Гугл плеј објави промотивeн 5 томен видео документарец за Клеш, групата за која музичкиот печат од островот едногласно смета дека е "the only band that matters".  Гугл, е па баш си другарче.

ЦеКа за телефоните и осаменоста

Знаеме дека тупиме со него ама што да правиме кога е цар и кога навистина веруваме дека е еден од ретките генијалци (плус Дежуловиќ) со кои имаме среќа да сме современици. Пазете, објаснува зошто на децата не им купува смартфони. А одговорот се претвора во болно точен есеј за осаменоста и човечката природа. И притоа, сето тоа е урнебесно забавно.

Го викаат Batdad

Човеков има Бетмен маска, 4 деца и профил на Вајн... Не му треба ништо повеќе.

Правила за машка мода

Како за мажи нема многу да се замара со детали. Шест категории се: маички, сандали, очила, часовник, бермуди, кошули. Советите генерално се: да, не и аман немој.

Како се стартува боинг 737

Целата работа е проста како да работиш со тостер, под услов тостерот да има 40 копчиња што треба да ги стиснеш и 17 сијалички што треба да ти се вклучат пред да направиш тост.

Грнчарството никогаш не било послатко

Многумина тврдат дека овој стар занает изумира. А можеби треба само малку да се експериментира со материјалот. Грнчарство, прсти да излижеш.

Од некаде не си ми познат

Даг Џонс е актер со прилично дебело актерско досие. ИМДБ му брои 117 улоги и тоа во познати и популарни филмови. Сепак, Даг Џонс ретко кој го познава на улица.

 

А, тоа требало!

Џабе ние да им порачуваме на мажите во сушен период да не генерализираат заклучоци за рефлексниот систем кај жените. Џабе. Веќе гледаме како некој, некаде, вечерва се спрема да излезе со акумулатор.

POV: Константин Миладинов

Малку интернет, малку технологија и конечно можеме да видиме како ќе изгледаше патот на Миладинов доколку му се оствареше онаа анатомска желба опеана во Тга за југ.

Викај ме дрво, само не ме дувај

На најјужната точка на Нов Зеланд, со векови се одвива една фасцинантна битка на дивови. Нам ни изгледа нерешено. 

Искреното во рекламата (Chipotle)

Чипотле е ланец на ресторани за мексиканска храна кој деновиве објави една срцепарателна реклама за страшилото (човек) кое по долги години работа за бездушна корпорација што ги малтретира животните и ви продава ужасна храна, решава да отвори сопствен ресторан во кој целата храна тој ја одгледува. Сега, Funny or Die направи искрена верзија.

Њујоршкиот балет за 11. септември

Обично немаме балет на сајт, ама обично и годишнината на убиството на 2600 луѓе и клучната точка во историјата во последните дваесетина години не ја одбележуваат со балет. Нови почетоци.