Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Ѓаволот се крие во базната

Африкански егзорцизам со пресврт.

Кен Блок vs. Луис Хамилтон

Секој во своја кола. Што друго треба?

Брус Ли, кралот на романското подземје

Зборуваме за буквално подземје, за цел комплекс на тунели и простории под Букурешт, и луѓето кои живеат во нив. Условите за живот ужасни, приказните подеднакво страшни, наркомани, сираци, џукели (вистински, не метафорички), сите на исто место. На сите им е главен Брус Ли.

Предлог за интервентна набавка

Концептот е соларни автопатишта, поточно се што моментално е асфалт и павер елементи да биде соларни панели. Не треба ништо да измислуваме, се измислиле, само да се инсталира. Сега гледај.

Рагби фер-плеј

Затоа што сме навикнати за кој било фаул на фудбал да потрошиме незамисливо многу време (во споредба со тоа колку заслужува), да се палиме и до смрт да му памтиме клизачи на некого, може ќе ни дојде чудно како вистински мажи се справуваат со фаул (како овој на сликава)

За дебелите девојки

Луи Ц.К. се мести пред цел свет за да покаже како мажите само заради тоа што не веруваат во себе ги казнуваат сите оние девојки со кои тие инаку природно би си одговарале. Карши него, феноменалната Сара Бејкер како девојката што ги дели шамарите во име на дебелите девојките.

Чекајќи го басот

Технаџии ќе разберат, рокери уште повеќе. Официјален наслов на клипов e - When Will The Bass Drop. Неофицијален - Секој можен (хаус? денс?) ди-џеј.

Луѓето се за на вулканизер

Шест и нешто минути некои Руси си играат на огромна ледина за да видат како човек пробува да оди право со врзани очи. Многу лошо сме баждарени.

Кој бира (повеќе од 36,8%), мастурбира

Да ви раскажеме еден математички модел за тоа како се одбира вистинската жена. Верувајте, бидејќи на светов има повеќе луѓе кои се разбираат во математика отколку во жени.

Примени сте на факултет

Америка, земја во која младите се радуваат кога ќе им стигне одговор дека успеале да се запишат на факултет. Ете, до толку се тие чудни :)

Корелација, мајка на сите заеби

Ултразабавен сајт посветен на статистичките корелации, една од омилените алатки на џанк науката или политичките дебати. Сè со сè можеш да поврзеш и после да си тегнеш заклучоци до бескрај.

Пресвртен момент во една кариера

Ова е моментот кој означуваше крај на професионалната кариера на тореадорот Алваро Мунеро. Сам објаснува за што се работи.

Брашно од Прада и млеко од Епл

Луксузните брендови не продаваат производи, тие продаваат стилови на живеење. На тема како би изгледало пакувањето на храната кога таквите брендови би се префрлиле во прехрамбената индустрија, мозгала дизајнерката Пеги Мергуи.

Од каде доаѓаат идеите?

Леонард Коен велел "да знаев од каде доаѓаат добрите песни, ќе им одев таму почесто." Дејвид Линч на ова ќе го додаде следново:

Акустична Металика

Првпат свиреа вака 1998-ма на MTV Unplugged. А ова е од пред некој ден во Л.А. кога наместо својата јеах дискографија, понудија акустични преработки на Битлси, Ози Озборн и Дип Парпл.

#ПосетигоИбрахим

Студент останува делумно парализиран во сообраќајка и завршува во болница на подолг период. Додека е таму, никој ама никој не му доаѓа во посета, ниту семејството. Тој пушта твит дека е сам и дека никој не го посетува. После твитот се случува ова:

Како СССР ги решаваше проблемите со заложници

Во средина на 80-те кога на големо беснее војната во Либан, луѓето на Хезболах во Бејрут во киднапираат 4 советски дипломати. Советите својот проблем го решаваат во рок од 30 дена.

Данска ве собира за гласање

Кога по речиси 25 години продавање на сите можни избори во државата како последниот чекор за спас од апокалипса, ќе видиш како Данциве се однесуваат со изборите за Европски парламент, не можеш а да не заклучиш дека они всушност појма немаат од живот и не се свесни дека се пред најголемиот и најважниот избор во историјата. Ова е една од официјалните дански реклами во која гласачите се повикуваат да излезат на избори.

Како се станува маж во различни култури?

Малку популарна етнологија преку Базфид. Симпатично визуелно претставување на различни ритуали низ кои машките деца стануваат возрасни. Мажишта, ај се кладиме дека кон крајот на видеото ќе ви се слоши, ќе осетите слабост по цело тело, ќе почувствувате болка по што ќе го погалите своето милениче со нежност која одамна му ја немате покажано?

Конзервативен инсепшн

Руската православна црква беше една од инстанците кои се згрозија и ја осудија појавата на Кончита на Евровизија. За неупатените, еден руски блогер возврати со фотографија од оние кои се решително против мажи со бради облечени во фустани.

Женски шовинистички свињи

Како знаеш дека твојот маж е веќе мртов?
- Сексот не е променет а далечинското ти е слободно.

Како рибар пали правосмукалка

Не мора да имате објаснување па да сфатите дека се работи за маж кој везден е по риба со својот чамец. И ете го, решава да ѝ помогне на жена му околу некои домашни работи.