Дечково го хакна својот велосипед (кога вртиш лево, тој оди десно) за да види дали ќе може да го хакне и својот мозок. Супер занимлива приказна.

Мишко конечно ќе може да вози со врзани очи. Концепт на инжинерите на Бош како ќе изгледа иднината на автоматизираното возење. Спојлер: не се гледа дали има пепељара.

Она што ние го правиме со "Богати и славни", во Хонг Конг го носат накај CSI: со закана дека може да биде лоцирано кој фрлил некое ѓубре со што ризикува да стане заштитно лице на кампањата за почист град.

Може да се однесе во Музејот на ВМРО (целото име на музејот би ни го исрцпеп сториџот на сајтот) и да зјапа во восочните фигури. А може и вака, ко во Л.А. и тамошниот музеј на уметност: 13 воза, 25 згради, 1.100 автомобили! Скулптура градена цели 4 години. Исто толку време може и да се посматра. 

Има два начина да не ти се допаѓа поезија, едниот е да не ти се допаѓа, другиот е да го читаш Поуп - Оскар Вајлд за Александар Поуп.

Лутер е гневниот преведувач со кој што ве запознавме пред некое време. Сега Обама го зема Лутер со себе на говорница за време на вечерата со дописниците.

Дејвид Блеј (магионичарот) на гости кај Харисон Форд (старо гунџало). Првиов ќе му прави магија на вториов. Вториов не верува во магија. Бирај карта.

Досега неслушната преработка на "And I Love Her" од Битлси. Курт Кобеин, гитара и ништо друго. Стиховите "Bright are the stars that shine/ Dark is the sky," ... "A love like ours/ Will never die/ As long as I hold you near me." никогаш досега не можеле повеќе да ве сјебат.

Анимирана историја на фризерските стилови на 20-от век. Гибсонки, италијанки, пудлици, помпадурки, афро, мохиканки...па се до емо стилот. Фер е листата, ги има и џигериците.

Колку малку му треба на човек пријатно да се изненади и да помисли дека сведочи на вистинска магија.

Традиционален тоталитарен татко: јас подобро знам од тебе што ти сакаш, и затоа во недела мора да одиш кај баба ти на гости.
Пост-модерен неавторитарен татко: не те присилувам да ја посетиш, и би сакал да дојдеш со нас само ако ти така одлучиш.
Жижек објаснува зошто второво е далеку полошо од првото, па продолжува за политичката коректност.

Можете ли да го замислите Скопје без својата прочуена Триумфална капија? Можете ли да замислите како би изгледало кога на плоштад би можеле да гледате само небо наместо изгланцаните јајца на коњот под воин? Врло радо, јелда? Но, некои други градови имаат среќа што обратно би личеле баш штуро (бонус: го додадовме и Скопје без Аце и Самоил).

На видеото е Џавид Карим, еден од основачите на ЈуТјуб. Иначе е во зоолошка. И толку.

Среде овие историски мигови за татковината, да се потсетиме дека и Америка имаше сличен проблем со агресија од Канада. Ако треба да кажеме дека видеото е пародија, тогаш изгледа малку доцниме. 

Приказна за 6-годишниот напор да се организира меч меѓу 5-кратниот и непоразен светски шампион Флојд Мејведер и 8-кратниот светски шампион Мани Пакијао. Мејведер има 38 години, Пакијао има 36. Мечот е прогласен за "Борба на столетието" и ќе се одржи на 2-ри мај.

Можат да заседава труст на мозоци и конзорциум на дигитални гуруа и пак нема да смислат подобра и позабавна игра од ова. Руски рулет на детски начин.

Пред кратко време добив порака од личност која не ја познавам и која во неколку љубезни зборови ми кажа дека е професорка по математика во мојата гимназија, дека организираат 50 годишнина и дека би ги израдувало ако напишам неколку редови кои би им биле прочитани на сегашните ученици за време на прославата. Било што, вика таа, на пример, околу моите учества на натпревари. Го сторив тоа со задоволство, околу 200 збора оти такви прилики не се за предолги приказни (добро го знам тоа бидејќи и мене ми читаа секакви глупости додека со поглед ја барав Радица по салата). Со нешто повеќе детали, ќе ви ја раскажам приказната чија кратка верзија им ја пратив таму.

Шведски кунг фу филм. Шведски кунг фу филм инспириран од мајагери и полициските филмови од 80-тите години. Може ли полошо? И тоа како. Носечката нумера од филмот е во рацете и грлото на колективната ноќна мора од тоа време, Давид Хаселхоф. Песната се вика True Survivor. Ваистина воскресе.

Човеков не е за да работи како полицаец. И не затоа што некој може да му се прикраде од зад грб и скоро четири минути да го снима без овој ништо да посомнева, туку од многу почовечки причини. Снимано е во Националната библиотека на грузискиот парламент.

iHeart е британски уличен уметник кој покажува како изгледа реалноста откако социјалните медиуми ги преземаа нашите животи во кои идентитетот е сведен на хаштаг а човекот на бројот на лајкови и добиени коментари.

На нешто што се нарекува Југо-западен фестивал на косењето во Сомерсвил (да беше по македонска номенклатура ќе беше Косијада во Соверсвил) се одржува натпревар меѓу косач со старомодна коса против косач со оние моторните коси што ги користат кај нас на кеј и по паркови. Ова е дуелот.