Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Сите награди се глупи

Џери Сајнфелд многу подетално ќе ви објасни зошто, додека прима една награда. На тема скромност околу награди, комичарот Џек Бени на времето изјави: "Може не ја заслужувам наградава, ама имам и реума што исто така не ја заслужувам."

Скопски Thug life

Градот, улиците, луѓето и филмовите во нив. На пример денешниов.

Не бе, ти знаеш што правиш

Може новиве генерации се напредни, ама ова е надвор од секоја контрола.

Како да ослабеш во 4 лесни чекори

Советот е од човек кој во рок од една година има симнато 36 кила. Човекот не е професионален спортист или што било од таа бранша, туку едноставно човек што ослабел 36 кила. Целиот успех го сведува на 4 точки, кои ги споделува со сите нас.

Доцртување на Инстаграм

Лукас Левитан е бразилски илустратор кој има една од оние Ајфон апликации со кои можете да си доцртувате нешто на своите дигитални фотки. А бидејќи е добар, и самиот Левитан тоа го прави со инстаграм сликите кои му ги праќаат. А добар е.

Вакви ни требаат повеќе

Едно детенце на кое му падна жал за неговата спајдерменска роденденска пињата. Зошто вакви деца нема повеќе? Само слушнете ги возрасните како му се изнасмеаја на малиот.

Г-дин Робот и како сè е во ред

Прашањето е - што е тоа кај општеството што толку те разочарува? Откако сè што имаш ќе си извртиш во глава, одговорот е - ништо.

Како изгледа разбирачка во брак

Веројатно најсликовитата претстава на целото искуство на брак / долга врска, сумирано во неколку минути. За тие што не се во брак и не им е јасно како двајца луѓе не можат да се разберат, еве за да им стане појасно. Тие што се во брак, после видеово ќе расправаат кој ги носи слушалките, а кој е во лудачка кошула.

Вљубувањето е оној полесниот дел

Знаете ли дека може да се вљубите во некого поставувајќи му прецизно смислени 36 прашања? Но, дали е тоа вистинска љубов и колку таа трае? За едно такво искуство споделено на ТЕД, од жена која го пробала на себе експериментот со "лабораториски произведена романса".

Имате ли Гиф во дневна?

Ако можете да исечете дел од шарениот интернет и да го закачите на ѕид во вашиот дом, што би било тоа?

Колку бегалци собира во комбе?

Една мала сообраќајна несреќа на патиштата во Австрија и видео камерите кои работат (неселективно), ги открива капацитетите на едно комбе а и лакомоста на оние што превезуваат бегалци. Honey, I Shrinked Syrian Refugees.

Кога филмовите разговараат на телефон

Некој седел, собирал, прегледувал, сецкал и монтирал сцени од филмови во кои се зборува на телефон. Резултат - последователен телефонски разговор меѓу 50-на филмови. Втор резултат - телефонските разговори во филмовите се сцени кои прилично добро се памтат.

За хипотези, теории, закони, факти и нивните проверки

Ступидноста и неумешноста во обидот да се проверуваат факти потекнуваат од тоа дека фактот по природа e проверен, оверен и прифатен како факт. И што се однесува на фактот, тоа ти е, може само да не бидеш во право ако не се согласуваш во него. Токму затоа и се вика факт. Ако нешто ви се проверува, проверувајте хипотези.

Доктор за љубовни проблеми

Откако врската ќе ти крахира затоа што си вол или по која било друга основа си крив (а крив си), ти следува рок од 5 недели за да ја донесеш клучната одлука - ќе се обесиш или ќе продолжиш со живот. Во случај на второво (гледај да биде второво, сериозно, второво), докторов препорачува депрозепам терапија. На терапијата и требаат само 15 години за да профункционира. Докторот ќе ви ја објасни целата процедура.

Трудницата и нејзиното право

Бил Нај со неколку забелешки за научните пропусти на аргументите во дебатата против абортусот, и општо околу поставеноста на целата дебата.

Кровови за вас прекрасни луѓе

Руски краснописци, 1.625 метри квадратни, 730 литри боја, рок од 2 дена да се заврши и дрон што ќе го снима ова од високо.

Каде треба да заврши ѓубрето?

Штета што кај нас вакви сцени веројатно не се можни. Просто, немаме ние толку контејнери.

Кинг е цар

Платформата Вајн дозволува споделување видео клипчиња од само 6 секунди. Е па, магиите на Зак Кинг заедно траат 20 минути! Не може нефинти да ти текнат толку.

Не е готово додека не е готово

Пред некој ден во својот дом во Њу Џерзи на 90 годишна возраст почина еден американски безбол играч. Ќе немаше причина да го бележиме овој настан доколку не се работеше за Јоги Бера. За пароли ние го имавме Грунф од Алан Форд, Американците го имаа Јоги.

Во кропирањето се крие ѓаволот

"Broken India" е фантастичен фото серијал кој ја покажува реалноста зад стилизираните фотки по Инстаграм или државните маркетинг кампањи за промоција на убавините на една земја. Не се сите слики драматични но се доволно впечатливи за да го оживеат прашањето кој што сака да види во една слика. 

Искрена политичка кампања

Затоа што изборите доаѓаат, а ние пак ќе треба да глумиме дека веруваме на ветувањето дека овој пат ќе биде поинаку, ајде со време да ја навежбаме "да, да, прави си што зборуваш, не си ти таков" фацата. Видеово ги содржи сите елементи што треба да ги има еден политички спот, видете каде сте најслаби со глумењето лудило и добро навежбајте ги тие делови.

Објаснување за "европската" бегалска криза и Сирија

Егоцентричниот поглед на светот налага да се чувствуваме дека бегалската криза е нешто што нам ни се случува, дека ние сме тие што страдаме и што сме оштетени од бегалската криза, а не луѓето кои во момент мораат да го напуштат својот живот и да тргнат на "библиско" патување од илјадници километри. Последователно на ова европските и западните медиуми сета работа ја пренесуваат како  - европска бегалска криза.

Збирка дела - Луи Ц.К. и мобилните

Збирката повеќе е критика, односно воодушевување од технологијата и критика за тоа колку глупо ја искористуваш оваа невидена технологија што ја имаш на располагање.