Тоа што не можеа милошевиќевите лудаци со Дубровник (да го разурнат со бомбардирање за да го изградат постар и поубав), можат Стоунси со себе и своите хитови. Како загревање за реизданието на албумот Sticky Fingers, пуштија до сега необјавена верзија на Brown Sugar, снимена на роденденска журка кај Кит Ричардс во 1970-та година, со поразиграни пратечки вокали и  - Ерик Клептон на гитара.

Цела индустрија се базира на манијата на одредени луѓе дека "градењето на сараундот," потребата од златни кабли и џекови, спајкови на држачите и слични перверзии ќе доведат од вадење на совршен звук од нивната опрема. Цел ЈуТјуб се базира на тоа дека годишно имаат 85 милијарди преслушувања на песни од луѓе на кои не им е гајле за квалитетот на музиката. На повеќе имаш 6 исечоци од песни во 3 различни квалитети. Треба да погодиш кој е највисок квалитет.

Клучен прв чекор во отстранување на какво било осило е да се замае колонијата и осите да бидат што е можно помрзоволни. Потоа ја чистиш слој по слој. Единствен отпор има кога ќе дојде ред да ја собереш матицата. Важно е ништо од ова да не правиш сам, туку да најдеш луѓе што знаат што прават. Во конкретниов случај мајсторот е од село во Западен Бенгал.

Едни што го изгледаа клипот се фатија за тоа колку е добро снимено видеото, па уште подобро и монтирано. Другите го форсираа текстот, затоа што те тера да се вдлабочиш во видеото и му дава логика. Аргументот на третите беше - вие глуви сте? Инаку, комплетот е разгледница за многуте ликови на Токио.

Излишноста на битисувањето и она што ние мислиме дека е живот, што е реалност, а што не е, алиенација на младите од општеството, институции и правила неподготвени за утре, се само дел од проблемите кои Карл одамна ги има совладано, за денес да се справува морални и филозофски дилеми на сосема друго ниво, кои директно задираат во маките на обичниот човек.

Белгија во кој било дел од последниве 25 години да ги имаше нашите соседи и нашето место, до сега ќе беше распадната, прежалена и заборавена. За нејзина среќа, се наоѓа кај што се наоѓа, и има разбрани соседи како Холандија, Франција и Германија, па може да си дозволи да се однесува како Белгија.

Не работата "ви реков," ама Џон Оливер многу аргументирано ја збореше ФИФА и криминалите околу неа уште ланското лето. Ова е апдејтот по минатонеделното апсење на функционерите.

Германците имаат многу што да забележат на видеово (инаку Германско, на ЗДФ, за грчкото барање за репарации од Втората светска војна), ние имаме далеку повеќе што да забележиме кога Грци зборуваат за жртвата на деца протерани од својот дом. Ама и првото и второто не го олеснуваат страдањето што третите го минале.

Еден од најинтензивните мотивациски говори на интернетов, во изведба на дечкото од сликата. Може да се аплицира за што и да ви треба куражење, а може да го искористите и кога некој од околината ви е кенкав околу нешто. Ем доволно е краток за да го изгледате.

Нисан 350з Прочарџер на отворен автопат лабаво предизвикува на трка Порше 911 ГТ3. Двете машини се ставаат во погон и почнуваат да го корнат асфалтот, кога од никаде во игра влегува Чаир...

Ако до сега не сте го гледале филмот, тоа сметајте го за една од најголемите грешки за вториот квартал од годинава (и најдобро да ја поправите под итно). Ако сте го гледале, вака изгледа филмот пред на него да седнат луѓето за компјутерски ефетки. Да се навратиме на првиот дел од воведот, сериозно, оди да го гледаш!

3 години подоцна, бугарскиот сајт Лентата се навраќа на една историска неправда што ние Македонците, конкретно Офф.нет.мк го има нанесено на бугарската младина, конкретно на абитуриентките. Текстот со наслов "Македонци се подиграват с българските абитуриенти..." започнува со "Братята македонци са потресени от българските абитуриенти..."

Без разлика колку веселат сликиве, растажува што немаме приказни и очевидци за тоа како е дојдено до овие решенија.

Во последната емисија на Кавервил, Драган Б. Костиќ пакува "музички омаж" за еден од "големата четворка македонски композитори" - Димитар Масевски. И двајцата заслужуваат ова да се чуе.

Бунтот е некаде помеѓу "не пукнавте со среќниве брендови" и "можеби не сте толку тажни колку што ве цртам, ама па и не сте толку среќни што се цртате." Дело на Адам Курц (@adamjk), а изборот е по нарачка на твитерџии.

Бил Нај го објавува најновото истражување на научниците кое ја потрвдува способноста на Универзумот на комуницира со директно со тебе и да ти праќа пораки.

Во првите потези може нема да ја забележите вештината и чувството за стратегија кое го поседуваат двајцата играчи, меѓутоа веќе на трет потег се гледа дека се работи за вонсериски таленти.

Од денешна гледна точка, и без разлика колку сте навлечени на носталгија, редно е да си признаеме дека Југославија во споредба со Северна Кореја, била грев во организирање на масовниве кореографии. Како и да е, еве неколку.

Жан Клод Јункер подолго се занимава со политка, отколку што ние се занимаваме со држава. Имајќи го ова предвид, после 30 години во европска политка некако природно му доаѓа на човек да почне со џомба понашање.

Да ти се отворат чакрите за да ти дојдат вакви рецепти, треба да си премногу гладен ама и премногу изнемоштен за да земеш да правиш нешто нормално за јадење, меѓутоа не толку многу за да немаш претстава кај си, што си и кој си. Дополнително од корист сите околу тебе да бидат во слична духовна состојба како тебе.

Нејзиното дете имало голема работа да соопшти, да 'излезе од плакарот и да каже дека е геј. А таа е уморна и нема зрно енергија за вишок сентиментални фанфари. И е кул. И е многу кул! На светот му требаат повеќе вакви мајки.

Што кога телото веќе нема да биде она исто тело, кога платното веќе нема да биде затегнато како некогаш? Ќе се каете за брзоплетите потези од младоста или ќе победат значењето и спомените кои ги носите во таа тетоважа? Многу јаки ликови, многу добро филмче. 13 минути, вредат.

Како ретко кога видеово може да е повкусно и од само јадење. Гледањето на клипов заменува појадок или ужина.

"Фала ви за сите убави зборови во изминативе денови, ама чувајте нешто и за мојот погреб," па потоа следува последната топ 10 листа, на која 10 ѕвезди му кажуваат на Летерман тоа што од секогаш сакале да му го кажат.