Фотографот е Франк Кунерт, минијатуриве што го прави и слика ги води под наслов - Слатки соништа. Совршено составено.

Не може да постојат практични причини да се верува во нешто што не е вистина. Три ипол минути со Бертранд Расел.

Можеме само со благ кикот да се надеваме дека ова е автентично - судски документ од 19 век кој истовремено е лингвистичка пуслица, а кој доколку би бил пишуван денес сигурно би содржел непотребно коректни фрази од типот „биле фатени во извршување на полов однос". Тука тоа просто се вика „јебачина".

Работи што ги повторивме денес - Тајландски бокс и Крвави спорт (наслов од видеотека) се сосема различни филмови на Ван Дам, и братот загинува во првиот а не во вториот филм. Работи што ги научивме денес - Крвави спорт е одлична реклама за Ментос.

Ако некогаш сте помислиле дека во Космосов нема никава цел за постоење на ужаснава нумера, тоа е само затоа што никогаш не ви текнало да ја поврзете со видеово.

Ако досега не сте имале прилика да се навлечете на Турција, ненаметливата топлина и мудрост на тие луѓе, шаренилото од бои и звуци во коишто живеат, нивните манџи, сукани работи и благца, дозволете да ви помогне ова магично видео. 

Иако е време во кое се накотија разни глодари и штакори (кои по колективното беснило мртви ладни ќе се вратат во своите глувчешки дупки), можеби сме сепак нефер кон овие суштества кои не ни станаа симпатични ни со помош на Том и Џери.

Ако веќе сте навлечени на трешот од домашните порталчиња и пичкарања по социјални мрежи, ќе ви биде нејасно што е во овој муабет толку скандалозно за јавноста (а дел од неа баш се скандализираше). Теми: расизам и педофилија. Луи не е свесен колку е генијално корисен.

Лили е од оние досадните, што одат по човек и не го оставаат да мрдне без нејзиниот поглед. Ама е идеална за оние кои сакаат нонстоп некој да ги следи за да имаат чувство дека се важни. Таквите плаќаат по 500 долари за да ја имаат Лили. Ќе ви се свиѓа.

Треба да ја пробата оваа нова интерактивна веб страница на BBC.

Дојде време од часната старина Дејвид Летерман да се прости еден од неговите најдраги и најчести гости, Том Вејтс. Пред него и Џорџ Клуни за првпат ја изведе својата нова песна, "Take One Last Look". Ова е за тебе, Дејв....  

За две работи треба да те бива за ова. Прво, да имаш девојка. Другото во клипот.

Додека стигне книгата за подемот на дотком милијардерот, низ неколку цитати за ставовите на Елон Маск за девојките (им треба 10 часа внимание неделно) и за електричните автомобили (тие бараат многу повеќе).

Годината е 1993-та. Дејвид Летерман признава дека во 11,5 годишното постоење на "Late Night" постои еден човек кој не успеал да го донесе во емисија. Босот. Брус Спрингстин вечерта е таму. И забива вака.

Има вистини што имаат рок на излупена банана - темнеат по само неколку часа од нивното изговарање. Но има и такви кои се безвременски, а нивната тежина се зголемува со секој божји ден. Брус Ли знаел по нешто за нив.

Минатиот април, Малколм Јанг ја напушти AC/DC, групата која со брат му Ангус ја формираше во далечната 1973-та година. На само 61 година, гитаристот ги заборави она малку рифови од кои се сочинети хитовите кои не се забораваат. Докторите утврдија дека се работи за деменција.

Малата (гледајте ја како власт) лапала а знаела дека не смее. Ама знае и дека таткото (гледајте го како народ) нема да се лути ако за лапањето не останат трагови. Затоа, прави коалиција со мајка ѝ (гледајте ја како медиуми) да ја забушат работата. Класика.

Наш човек обожава да ја посматра ситуацијата озгора, за да ја сфати големата слика на она што се случува. Фино тоа, освен кога погледот од горе е единствениот поглед на својот живот. Како кај овие фудбалери кои не гледаат ништо пред себе ама затоа имаат монтирано опрема да се гледаат од птичја (гео-стратешка) перспектива. Судијата исто. Комплетно дезориентирано лудило.

Првата е жена која крева два пати поголема тежина од нејзината, вториот е маж, новинар, кој ќе се обиде еден ден да јаде како Двејн Џонсон.

Во игра која слободно може да се квалификува за некое следно продолжение на "Пила" се среќаваат две Јапонки и една бубашваба. Правилата на играта се многу порасипани отколку што може да замислите.

За 9 долари не добиваш монитор, тастатура, маус или пак маус пад , ама за тоа добиваш процесор од 1 гигахерц, 512 МБ рам и 4 ГБ меморија, плус вградено ВиФи и Блутут.

Ако немате партиска врска или роднинска или која и да е друга врски што пали денес, тогаш за своето вработување не е лошо да имате еден ваков пријател.

Истиот човек што на пола поп сцена им ги извади зборовите и музиката, сега реши да му посвети малку внимание на Путин. Изгледа подобро од што и да е до сега.

Порно индустријата ги има своите AVN PORN AWARDS. Кремот на социјалниот живот и глобална влијателност ја има својата МЕТ GALA вечера. Поглед набрзинка: