Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Има ли секс после децата?

Не престануваш да имаш секс затоа што си стар туку старееш затоа што престануваш со сексот. Прекрасните Данци смислиле програма за патување на егзотични дестиации со вграден бонус за размножување. Колку повеќе деца ќе направиш на патувањата, толку поголем бонус добиваш за следниот пат. Уште попрекрасни: Данците не ги занима со кого тоа ќе го правиш.

Случајноста е начин на кој Господ останува анонимен

Куршум што ја стигнува целта неколку години подоцна, три обиди за самоубиство спречени од ист монах, роман што неочекувано го опишува рускиот шпион од соседството... се само три од десетте примери на зачудувачки коинциденции, случени некогаш и некаде.

Да, не се нормални

Јапонски ѕвезди ги собираат во студио под објаснување дека ќе интервјуираат поранешен измамник како дел од документарец за криминал. Кратко време по започнување на интервјуто, соговорниците се убиени од снајперски оган.

Другата страна на твојата нервоза

Што па има ти да очекуваш кој било да биде фин со тебе или па да ти биде насмеан?

Малиот чија иднина е јасна

Некои цел живот ќе го бараат својот позив, на некои тоа им е јасно уште на 5 години. А наши деца ќе играат Мајнкрафт и кога ќе пораснат, ќе се чудат што други ги ќаруваат женските.

Нејт Силвер се пере пред народ

За тие што не го знаат, Нејт Силвер е страшно добар статистичар, кој спектакуларно многу утна годинава на претседателските избори, и ова не му е прв пат. Неговата одбрана е "јас ги земам бројките од анкетите, не ги правам анкетите". Прашањето од Ноа е, па што земаш глупи бројки.

Во станот на ерген

Да имаше жена, ова ќе беше проблем кој треба веднаш да го реши. Без жена, нема никаков проблем. Напротив, ете прилика да се удри на песна.

Дејвид Блејн вс. Дрејк, Шапел, Кари

После видеово, бабата во вас ќе си помисли "Дејвид сине, што не учеше школо да не треба вака да се мачиш?"

Блазе си му на оној кој рано ќе полуди

Едниот има 17 жени, другиот има една жена. Што мислите, кому му е смешно?

Гугл би да ги дигитализира вашите стари фотки

Во теорија исто е како да ставиш која било стара слика пред телефон и да ја сликаш. Во пракса Гугл го има малку разработено целиот систем, па те тера да фотографираш четири различни делови од сликата кои после го спојува во совршена копија.

Рејв

Дечкиве зборат, ние гледаме. Тема: српска рејв супкултура. Ликови: тројца.

Третата опција во воспитување дете

Првата опција е да му викаш, ама веројатно е дека само дополнително ќе се изнервираш, а он и понатаму нема да те слуша. Втората опција е да го тепаш, ама и покрај првичните успеси, на долг рок ќе бидеш во була. Третата опција, и за сега единствена која изгледа како да успева е - да го срамиш пред другарите / другарките.

Преживување на работ од шахтата

Човеков со голи раце и без заштитна опрема чисти улични шахти и одводи од куќите, и без разлика колку е нечовечка и понижувачка работата во земја со над милијарда луѓе тој не може секој ден да најде ангажман, делумно и затоа што неговиот занает (во идентични услови) во земјата го работат уште 1,3 милиони луѓе.

Писмо од изнервиран тајкун до нацијата

Едни се родени за да владеат и имаат, а други за цел живот да бидат сиромашни, и што може тука да се направи; апсолутно ништо!

Џармуш и Иги Поп за Стуџис

Цели 8 години Џим Џармуш и Иги Поп работеле на документарецот Gimme Danger, посветен на бендот Стуџис. За редовната музичка публика на коњопоите на Дежа Ву, Иги Поп е оној босиот, што значи останува Џармуш да е другиот.

Џо Бајден меме на денот

Актуелниот потпретседател на САД, за време на кампањата во еден момент порача и дека би сакал да се проба со Трамп, еден на еден. Ова уште го држи и кога завршија изборите, и никако не му оди да му ја даде Белата куќа на новиот претседател.

Економија, сендвич со пилешко и пилешко

Минатата година еден лик на интернет (успешно) се обидува да направи седнвич со пилешко од нула. На крај за целиот овој подвиг му требаат 6 месеци и 1500 долари (сè правеше од нула, од одгледување правење брашно за лебот за сендвичот до сушење на морска вода за да добие сол). Истиот овој сендвич инаку се продава за околу 2 долари (стотина денари). Бонус, британска репортажа од 70-те, за генерацијата Американци што никогаш нема да го осетат вкусот на вистинско пилешко.

Пост-изборна терапија

На станица во њујоршко метро, стотици луѓе на стикери си ги пишуваат маките или се куражат меѓу себе дека победата на Трамп (можеби ) и не е крај на светот. Стикери? Кај нас на 12-ти декември со фломастери и хамери ќе се оди на автобуска.

Човекот и соколот

Во онаа поговорка "И волкот сит и овците на број" мора да постои и некоја жртва која ни ја кријат.

Ја имаме реакцијата и на Јоко Оно

По победата на Доналд Трамп, се огласи и Јоко Оно која зборовите ги замени со неколку препознaтливи тонови од нејзиниот музички опус.

Џон Оливер: Како стигнавме до тука

Човекот што пред неколку години од позиција на водител на Дејли шоу, на најавите на Трамп дека ќе се кандидира за претседател од денешна перспектива наивно му порача „те молам, дај те молам кандидирај се“, во средата сабајле заедно со остатокот од Америка се разбуди со претседател Трамп. Бонус, совршено добар клип на Сатрдеј Најт Лајв за разочарувањето и заблудата на белците либерали (плус Дејв Шапел и Крис Рок) на вечерта на гласањето, околу сопствената земја и сонародници.

Отворено писмо на Џон Клиз до САД

До граѓаните на Соединетите Американски Држави,
Во врска на вашиот неуспех да изберете компетентен претседател на САД и сами да се управувате, со ова ви се дава на знаење дека вашата независност е поништена, а одлуката е ефективна од денес.

Трамп и либералниот гнев што остана заробен меѓу либералите

„Либералите беа бесни на Трамп и го искажаа својот бес во сајбер-просторот. Тоа немаше никаков ефект бидејќи алгоритмите се погрижија тие да им се обраќаат само на луѓето што и онака се согласуваа со нив“, порачува Адам Куртис во својот документарец за Бибиси, Хипернормализација. Филмот е излезен во октомври, кога сè уште никому не му се верува дека Трамп воопшто е републикански кандидат за претседател на САД.