Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Трчањето е најлошиот начин за да станеш фит

Зборат за трчање од типот "важно правам нешто". Ама не е страшно, има решение - спринтови или/и кревање тегови.

Тираж на неделни магазини, топ 25 Југославија 1983

Да, тогаш немаше интернет. Да, тогаш немаше он-лајн вести и агрегатори. Да, тогаш можеше да фатиш само 3 телевизиски канали. Да, тогаш немаше Фејсбук. Да, знаеме сè што немаше. Може сега да почнеме?

Во фабрика за лажни лајкови

Нема потврда ниту детали но приказната оди вака: Русин во посета на кинеска фарма за лажни лајкови и билдање посетеност на сајтови. Велат дека имаат 10.000 мобилни телефони, програмирани да посетуваат веб страници или да маваат лајкови кај што треба. А овие од Офф.нет нека пишуваат ко аргати по цел ден.

Две минути мерак

Немој да очекувате ништо повеќе од производство (боење) на силикон. И немој да очекувате дека сте подготвени за тоа колку е ова магично.

Цртање живот

Дали е цинизам ако е точно, и слични дилеми што доаѓаат од името на мексиканскиот цртач на стрипови "Илустриран цинизам", кој успева снајперски да ги удене твоите проблеми без никогаш да те запознае.

Лудус, апликација за слајдови какви што никогаш нема да направиш

Затоа што преку глава од Пауерпоинт и затоа што направиле презентација да се осетиш ко стварно да е проблемот во Пауерпоинтот.

Ако е пренос од избори, нека биде јужнокорејски

Јужна Кореја ја снајдоа предвремени претседателски избори, по импичментот на претседателката Парк Гун Хеј. Јужнокорејските телевизии резултатите од гласањето ги дочекаа како цело време да биле на готовс за неочекувани избори.

Попишувачот

Дур си напишал на хартија „Правиме попис“ за да го залепиш на врата од дуќанот, пописот завршил. А може па само нè шеба.

Автомобилски проблем што се решава на адвокат

Човеков на враќање од ручек од кај родителите на сопругата на сред пат забележува дека колата му прави некаква галама. Се уште не е познато дали овој проблем го има само во оваа кола или и во другите возила.

Гравитацијо, и на астронаут си му тешка

Морепловците имаат проблем со рамнотежата кога после неколку месеци на море ќе стапнат на цврсто тло. Слично е со астронаутите кога после долго време ќе ја почувствуваат гравитацијата на родната планета.

Искрениот трејлер за филмот што не го гледаше

50 нијанси потемно, или филмот што не сакаш да веруваш дека жените по дома кај тебе веројатно го изгледаа. Плус статистика колку секс и каков секс има во филмот што треба да биде за секс (спојлер - вкупно 10 минути во цел филм).

Дејли шоу, генерација "Џорџ Буш"

Стивен Колбер во емисија ги собра колегите и шефот од едно поубаво време, кога се расправаа со Џорџ Буш, неговите бушалашитини и војната во Ирак. Повод, чисто да се видат и малку да здивнат од сегашноста.

Кога работиш со филмски ефекти, а имаш Витара од 96-та за продавање

Многу е едноставно, ако веќе немаш технички спецификации за да ја пофалиш колата, гледај барем да знаеш да направиш добар спот што ќе ја шитне.

Распеани Рамштајнчиња

Хор клинци ја пеат Mutter (Мајка) од Рамштајн и звучат одлично. Малку е језивко ако знаете како оди текстот на таа песна, ама според нашите педагошки канони, Рамштајн е увек боље од цмиздрењето во „Вљубениот ерген“.

Добриот глас високо се слуша

Ги знаете оние Talking (Том, Карл, Анџела, Џинџер...) зезалици за телефон, кога анимацијата го повторува она што со го кажал, само со повисок тон. Ама, лесно им е со човек. Кога ќе ги споиш со рамен на себе, тогаш настанува вистинска, неподнослива дебата.

Пролетен концерт на денот

Секоја пролет човеков снима дуети не со луѓе кои пеат како славеи туку -  директно со славеи. Го имаме годинешниот концерт. Ведрина.

Вежбањето е штетно за сите (според Онион)

Тоа што ова е комплетно неточно, сатирично видео составено од Онион, не треба ни најмалку да ве демотивира да го прифатите како безпогрешно точно ако ви се бендисува што се кажува во него.

Седи да видиш како се работи

Разликата меѓу човек што доаѓа на работа и човек што знае да работи. Првите сме ги изнагледале. Ова се вторите. П.С. кај се купуваат кинески пожарникари?

Некој го мислел ова бе

Јасно е дека ова не е смислено од еден човек, ама пак нè интересира како изгледа денот на барем еден од луѓето што успеале да дојдат до овие заклучоци, и да им честитаме колку им е добро.

Сам свој шампион

Затоа што ти ако не се радуваш на твоите победи, кој ќе се радува? Оди па кажи му дека ова и не е некоја голема победа.

Научен ревизионизам

Пред две децении Бил Нај тврдеше дека постојат два пола. Денес на истото прашање смета дека работата е нешто покомплицирана, а половите во нас се како калеидоскоп. Проблем е што Нетфликс го избриша тој дел од стариот материјал. Ваквото ретуширање и цензурирање на научните погледи од минатото е сè само не е научно.

Бугарија, ајран ти ќе бидеш

Дилемата со сите оние тетоважи со кинески, јапонски букви беше: од кај знаеш бе дека точно ти го напишале зборот, што во земја во која се грешат тетоважи со англиски зборови е доста здраво размислување и страв. Како што тоа азиското изгледа интересно од оваа страна на светот, така од другата страна на планетава, егзотиката и поимот за квалитет се доловува со зборот "Бугарија", барем кога е во прашање кисело млеко.

На симпатизерите на Трамп почна да им доаѓа памет

Сто дена подоцна и најмалку два пати повеќе разумни забелешки и аргументи, и симпатизерите на Трамп почнуваат да ја воочуваат грешката што ја направија. Може е доцна за ова гласање, ама барем нема да им се повтори грешката на следните избори.