Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Заменски Џими Кимел

Во вторникот Џими Кимел соопшти дека само што добил син, а потоа ја раскажа и целата драма што се случува со син му во првите часови по породувањето. Во рок од неколку часа дознаваат дека има срцева мана, па доктори, па болници, па операција на отворено срце (на туку што родено дете), и за среќа работата добро се завршува. Од вчера Кимел оди на породилно отсуство, а шоуто му го предава на Вил Арнет.

Нема да ти се верува што ќе ти кажам

Интернет "место каде сè може да биде наведено како извор и каде секое несогласување деградира во соба полна орангутани кои фрлаат измет едни на други".

За сите нас небитни

Ако погледнеш кон Универзумот и се почувствуваш мал, тоа е затоа што си почнал со его кое уште од старт е неоправдано големо. Да, замисли, дури и ти.

Хиерархија на првомајска скара

Фалат тие двете што само да завршат на едно друго место и ќе дојдат, и фамилијата со двете мали деца што читале дека од следната година (кога овие ќе наполнат четири) сè ќе биде полесно.

Тамб ап за трикот со палецот

Таман човек ќе научи бар едно трикче за фасцинирање мали деца, ќе сфати дека ја знае само најлесната верзија на трикот.

Совети за руски туристи: Не ги споредувајте Кенијците со мајмуни

Руското министерство за надворешни работи издаде брошура со упатства за тоа што Русите кои патуваат во различни земји треба, и уште поважно, не треба да прават за да не дојде до недоразбирање или конфликт со мештаните. Главна препорака за оние кои доаѓаат на овие простори е да пазат на зборовите кои содржат пичка и кур.

Попустот го претвора човекот во магаре

Авто-пазар во Денвер понуди ваква распродажба: за 59,99 долари можеш да земеш сè што сам можеш да понесеш.

Што е разлика меѓу тебе и 83.000 луѓе?

Овие 83.000 имаат секс во моментов, ти не. Ова и уште неколку работи што се случуваат во светот во една минута.

Рециклирање стари сапуни може да спаси милиони животи

Од една страна, американските хотели фрлаат околу 5 милиони сапунчиња секој ден. Од друга страна, 2,2 милиони луѓе во светот годишно умираат од болести кои можеле да бидат спречени со користење сапун. Ви текнува? 

Гугл школа за новинарство

Ова е минимумот што треба да го знае секој со тастатура што инсистира да пишува / гуши по интернет. Курсот се однесува на техничкиот дел од работата со вести, како да најдеш, каде да најдеш, како да направиш мапа, правење видеа, дали е вистина или не, и слични. вештини. Има 13 лекции, кои сигурно некој би сакал да ти ги шитне како курс, и сите 13 се гага. Плус на крај полагаш тест, да видиш колку не знаеш.

Во лудо време кога само разговор и пиво помагаат

Можат ли двајца луѓе кои лично не се познаваат а делат крајно спротивни погледи на жешките прашања да седнат за по некое време да заклучат дека постојат многу повеќе работи кои ги поврзуваат отколку што ги раздвојуваат? Нека не ве обесхрабрува тоа што ова е, во крајна линија, реклама за пиво. Паметните ќе умеат да извлечат поука, на оние другине и буриња ум да истураш пред нив, џабе е.

Ќутењето како основа за стабилна врска

И сарказам, и масовни критики, и комплементи со навреда и уште серија алатки за сите вас во прекрасни пасив-агресив врски.

Гледај и плачи... и плачи

Некако ќе се помириш со делот дека си глуп и трошиш пари што ги немаш (за работи што генерално не ти требаат) ама такво е времето, и тогаш ќе дојде делот во кој ти покажува колку камата плаќаш и ќе плаќаш (не се исти бројките како кај нас, ама исто го јадеш) до крај на живот. Солзи сами капат прости ми...

Да живее другарот Сталин

Георгија (меѓународно), односно Сакартвело (локално) односно Ѓурѓистан по турски односно Врастан по ерменски (како Македонци кои 25 години го јадете калапот од Грците заради името, треба да знаете дека нив името Грузија страшно ги нервира) одамна е наштелувана на патот кон НАТО и евроинтеграција. Но, во бившата советска република уште има луѓе кои не можат да го прежалат Сталин. Да ве запознаеме со тажно-сентименталниот свет на нивните Чворовиќи.

Далечинската близначка на селфито

Ќе те слика со гласовна команда за да можеш да се наместиш вио својата најсекси поза. Ќе те слика за да видиш и како изгледаш од позади. Ќе ја замати позадината на сликата за ти да се истакнеш. И на крај ќе ти каже што подобро ти стои. Не се вика другарка, се вика Алекса и живее во облаци. Во следната верзија ќе одите и на кафе заедно.

Денот на мајката (за излегување)

По зборовите на еден пријател кој многу помирено ја призна својата капитулација: "oва е мојот живот сега". Другата страна не беше прашана за коментар.

Чистачот на гробови

Секоја недела човеков оди на локалните гробишта и почнува да чисти гробови на американски воени ветерани. Освен што чувствува должност кон непознатиот ветеран, за ова не добива никаков надомест, ниту пак некој го побарал тоа од него, а како што вели, да има време ова би го правел секој ден.

Храм на модерната европска цивилизација

Кратка историја на кафеаната, колку да се потсетиме зошто сите реакционерни режими отсекогаш сакале да ја зауздаат и стават под своја контрола оваа драгоцена институција на културниот живот.

За рамен стомак потребно ви е јаже

Не, не за да се обесите. Затоа што знаете да мамите со последното копче од панталоните, ќе си се врзете со сиџимка и ќе си терате.

Тркало во аптека

Неочекуван прекин на мирен деловен состанок во една турска аптека. Којзнае дали зборувале за „висок притисок“„колената ме вртат“ или „ѕиваната не ми држи како порано“.

Жива дојка проговара

Од латинска Америка стигнува една од најчудните кампањи за подигнување на свесноста за ракот на дојката. Бидејќи социјалните мрежи како Фејсбук се поконзервативни од цензорите на СССР и не дозволуваат да се појави женска пупка ни за добра кауза, овие го хакнале проблемот така што на цицките им ставиле усти. А на жена уште таму ѝ фали уста па ние мажите масовно да се замонашиме.

Расположенија за вас прекрасни мргуди

Има животни, има уметност, има природа, има пејзажи, има вода, има крајбрежје, има планина... и може, колку толку, ќе направи разлика. Точно дека не е исто како да си таму, ама па не дека за 1-ви мај ќе дочекаш понуда Тајланд за 30 евра "олинклузив".

Колку е глупост тоа што го јадеш

Посебно посветено на луѓе воодушевени од масло од тартуфи и "џус" барови, а има и други.

Живот администраторски

Тоа што вие сте престанале да читате BOFH не значи дека во меѓувреме систем администраторите почнале да се расправаат со технолошко просветлени суштества... Ни најмалку. Пак се истите пациенти, ама овој пат побројни.