Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Си грешел и ти на работа, ама не како овие

Што е најлошо што си направил? Си пуштил порнич на меил од фирма? Си ја пратил понудата на некој од конкуренција? Си утнал една нула во пописот? Полека малку, дечкиве срушија цела куќа, ама не таа што требаше.

Каков прекрасен цреп

Сосема е можно овој младоженец да е обичен дебил и од сељачки мотиви да сака да покаже која е тука главен, ама, ваков дриблинг (и шеретскиот потег потоа) немаме видено уште од Милош Шестиќ. 

Ректум опус

Стварно немаме појма како да го оправдаме објавувањето на следнава содржина освен дека нам ни е тотално урнебесна! Ве молиме, не се откажувајте по првите звуци. Уметноста бара жртви.

Не баш матурантски слики на денот

„Ќе снимам фаци додека имаат оргазам“, решила 24 годишната фотографка Алина Освалд за својата дебитантска фото - изложба и тргнала во поход по заинтересирани младинци и младинки од Берлин. Фотките се готови и јасно е дека зад нив стои доста рачна работа.   

Советско диско на отворено

Годината е 1989-та. Од една страна на железната завеса Лени Кравиц и Стоун роузис ги издаваат своите деби албуми, на рипит се вртат „Like a Prayer“ на Мадона и „You Got the Look“ од Роксет, Нил Јанг и Дилан прават камбек албуми, Ред хот од четврти пат успеваат да влезат во листата топ 100, Квин си грмат, Бисти Бојс си газат а разгалената западна младина во задимени клубови полни со алкохол и дроги ги слуша овие музики. На другата страна на завесата, вака:

Таргетирано вежбање

Одбирате дел од телото кој сакате да го стегнете, дефинирате или набилдате и веднаш во гиф ги добивате вистинските вежби за таа група мускули. А вежбите прекрасни, би можеле со денови да ги гледаме.

Нит нешто од ова ни текнало, нит нешто ќе запамтиме (3)

Знаете зошто ги објавуваме овие, за да ни се најдат при рака еден ден кога ќе решиме да сме вредни. Додуша, досега не ни притребале ама тоа не е причина да не се надеваме дека... еден ден....

Личниот имот на Тито

Сè уште постојат луѓе кои можат од прва рака да посведочат каков бил односот на Јосип Броз кон богатството, личниот имот, наследството, семејството, државата. Еден од нив е Раиф Диздаревиќ, некогашен претседател на претседателството на СФРЈ, во интервју за Ослобоѓење, од април 2017.

Зошто нова кола?

Две Тојота Короли возат една кон друга, и двете со 64 км/ч. Едната е произведена 1998, другата е 2015. Да видиме дали нешто сработиле инженерите последниве две децении.

Што еден народ може да научи од волците?

Бидејќи оние силни историски лекции за формациите на фалангата и слично не ни помогнаа баш многу, да пробаме да научиме нешто од волците. Пазете, овде дури и за нив имаме погрешна претстава па ја шириме онаа дека „на волкот му е дебел вратот зашто сам си ја брка работата“. А не е баш така. Да видиме како функционира една волчја формација во секојдневието.

Како да препознаете чие дело е сликата?

Кратко и ефикасно упатство за трупови, како да препознаат дело на некој од најголемите мајстори на сликањето на сите времиња.

 

Што заедничко имаат најмалку стресните земји во светот?

Во прашање се Норвешка, Луксембург, Швајцарија, Шведска и Австралија. И сите тие имаа четири заеднички карактеристики. И ниедна не е онаа што ја мислите.

Најсилниот човек на светот и исхраната од 12.000 калории на ден

Брајан Шо е Најсилниот човек на светот во 2011, 2013, 2015 и 2016 (плус еден куп други први места во слични натпреварувања). По неговите зборови: од сè ова кревањето тегови не е најтешкото нешто, јадењето е. Прв оброк, појадок: 1180 калории. До крај на ден треба да ги потепа уште 10.000 калории. И така секој ден.

Зен е кога гледаш како друг одлично работи

Гледано по занает овој би бил столар, со специјалност јапонски спојки. Гледано реално, човеков е магионичар.

Трката од маалските муабети

Една од оние дилеми од клупа од пред зграда. Кој е побрз: Мерцедес СЛ63 АМГ, В8 супервозило спремно како за НАСКАР или Ф1 болид, и да се тркаат 1 круг и болидот да му даде 40 секунди предност на Мерцедесот.

10 работи од астрономија што ги мислите дека се точни, а не се

Меѓу нив и тоа дека: Сонцето е жолто (бело е), ѕвездата Северница е најсјајната ѕвезда на небото, тоталното помрачување е ретко, на пладне Сонцето ни е директно над глава и слично. Кој вика дека ова не е точно? Нил Деграс Тајсон.

Последната песна на Влада Дивљан

Штотуку излезе последната песна која ја напишал Влада Дивљан, Идолот кој нè напушти на почетокот на март 2015 година. Се вика „Непослушна граѓанка“ и била почната да се создава по веста дека починала Ејми Вајнхаус.

И волкот сит и Јелоустон на број

Волците важат за непотрeбни штетници но не е секогаш така. Во 1995 година пуштиле 14 волка во американскиот национален парк и малку по малку, животот во него воскреснал.

Како функционира Wannacry

Викендов најдраматичната вест беше појавата на Вонакрај, рансомвер софтверот кој ги енкриптира фајловите на нападнатиот компјутер и бара пари за нивно декриптирање. Нападот беше извршен во десетици држави, а меѓу другите страдаа британскиот здравствен систем и една од најголемите шпански компании Телефоника. Програмот за својот напад искористи пропуст што своевремено бил откриен од НСА, па потоа протече во јавноста како информација.

До левитирањето и по него

Движењево што ќе го видите изгледа како магија, а оваа магија се учи со години и години вежбање и повторување за во еден момент да сфатиш дека можеш да левитираш (да, сукњата ги крие, ама оди повтори го ова со каква сакаш сукња на тебе).

Јосипа Лисац: Пицата и смислата на животот

Ќе ви дојде да направите паралела и да помислите кој од нашава сцена има во себе таков материјал (дух, лежерност и куроболие) на телевизија да раскаже една ваква блесава приказна на која Данил Хармс би станал и би аплудирал. Немојте џабе да се мачите.

Како да ја лоцирате својата кола?

Со мобилен. Во случај да ви е украдена или (поверојатно) синоќа ви тргнал шутот па сабајлето немате абер каде сте ја оставиле.