Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Родители и рози

Овде мајка се радува што се укинало екстерно, или што детето си одбрало баш фино комплетче за полу-матура. А мајка може и на поинакви работи да се радува. На пример, ако таткото освои карти за концерт на Ганс енд Роузис.

Боемска, ни рапсодија ни улица

Се работи за песната Боемска рапсодија од Квин, ама претворена во филмска сцена. Иако тоа звучи како малку лигава идеја, резултатот е доста уверлив (ок, освен кога џандарот вика: Скарамуш! Скарамуш!). Сега едвај ќе чекаме +18 филмска верзија на „Остани во мене“ од Калиопи.

Ајфон 7 вс. камера од 100.000 долари

Ајфон е уредот кој сними неброени селфиња, снапчатови и инста-сторија. Алекса е камерата што ги сними Логан, Волкот од Вол стрит, Авенџерс, Ент-мен, Пристигнување, Лудиот Макс, Сикарио, Повратник, Игра на тронови и стотици други. Првиот чини нешто помалку од 1.000 долари, вториот околу 100.000 долари во зависност од опциите. Ова е споредба на двете.

Кинески Бадвајзер

И тоа има, фејк Бадвајзер во лименка. И не знаеш што е полошо, тоа што е лажњак или како го полнат.

Уста широко затворена

Ова е неверојатно. Неверојатно затоа што Американски идол уште трае, и уште поневеројатно што глас извади девојчево со затворена уста.

Лекција по наука за сечие незнаење

КРИСПР е нешто многу јако во науката и еден од најсериозните кандидати за некоја од скорешните Нобелови награди за хемија. За да не мора да трпите наши објаснувања, сè друго околу КРИСПР ќе ви објасни Навил Санџана, биолог од Универзитетот на Њујорк. Ама ќе ви објасни и како на дете, и како на тинејџер, и како на студент, дипломиран и како на експерт. Едно од овие ќе го разберете.

Модата во руските метроа

Порано вакви фото галерии беа резервирани за њујоршките метроа но Русија одамна излезе од комунистичката униформираност и се распрсна во сите можни стилски правци. Само кај нас уште се чудат луѓе ако некој има поинаква фризура од вообичаените.

После 27 години - Хаустор

Пет нивни песни од 1990 година досега биле во фиока а кога и да е, доаѓа време да се зачистат фиоките. Една од песните кои ќе се најдат на албумот „Досетливи мали чудаци“.

Проблемот со заљубеноста на медиумите во ракети и бомби

А Американците удрат некоја арапска пустелија со Томахавк, МОАБ или што и да е многу скапо и многу големо, снимката со траење на просечна ТВ реклама речиси инстантно станува мантра на сите американските новински телевизии. И ова е проблем затоа што луѓе природно почнуваат да навиваат за користење огнена сила за масовно уништување. Плус, и не се разликува многу од тоа кога другата страна на рипит гледа клипови од терористички напади.

Елон Маск како драчевски матурант

Пред 18 години, како млад и надежен милионер (со потпунки) кој си купува нова кола. Една година порано, на весниците им продава платформа за онлајн изданија, за која кешира 400 милиони долари. Денеска вреди 15,6 милијарди долари. 

Сиот тој силикон

Пластиката на Холивуд е името на ново реално шоу со 12 ликови во основа познати по својата способност да не им е гајле колку пластика имаат во себе и како изгледаат. А до тоа како излгедаат, ве дели еден клик.

Имаш 100 секунди да собереш сè што сакаш од продавница за електроника

Продавницата е полна, без правење иле, со Галакси, Ајфони, Мекинтоши, Канони и се што може да има еден маркет за електроника. Ти си со празни раце, и за твое добро, гледај да си со брзи нозе.

Ако сакаш да спасуваш животни само треба да не јадеш пилешко

За годишната исхрана на просечниот Американец се колат 25 животни. Од овие 25, 22 се кокошки / пилиња, па ако престанеш да јадеш пилешко, ќе поштедиш 22 од овие 25 животни, а притоа растот во консумацијата на другите животни нема да биде страшно голем. Кој вика тоа? Активистот за права на животни Мат Бел. П.С. 84% од луѓето што стануваат вегетаријанци, се враќаат на јадење храна од животинско потекло.

Драг ни е Борат, ама, Али Џи

Една видео компилација нè потсети зошто Али Џи е нашата омилена инкарнација на Саша Барон Коен. Во своите интервјуа тој користи една контра - аикидо техника, противникот не го победуваш со помош на неговата сила туку со помош на својата (радикална) глупост.

Крос-фит атлети вс. балерина

Никој не вика дека овие што вежбаат крос-фит се балерини. За почеток балерините се неспоредливо поподносливи од нив и ни приближно толку не гушат "да видиш денес каква серија пируети сум направила" или "тоа арабеската ама ми тргна денес". Исто така излезе дека ова балет било понапорно.

Приказна за шармот на Роџер Мур

Роџер Мур е еден од оние луѓе што ќе ги памтиме само во една димензија, како лежерен агент 007 кому му оди добро со девојки, а на лошите не им оди добро со него. Зад таа димензија којзнае што човек може да е, може идиот, може прекрасен лик. Има една супер интересна анегдота за него, која барем малку ја открива неговата секојдневна природа. Како се ближи кон крајот, приказната станува сè поинтересна....

А ќе речеш не може нешто да е поглупо од спинер

Како не може, а смартфон апликација за спинер? Виде. Без никакви предрасуди ја има и за Ајфон и за Андроид, па кој сака нека врти вртиуелно.

Совршената реченица

Има ли, на крајот на краиштата, нешто посуетно на светот од писател? Особено во моментот кога се гледа очи в очи со својата совршена реченица. Ох, боже, каква грозна, одвратна немоќ!

Пожарникарско, ситно

Кинезите сакаат да знаете дека се подобри од сите нас и дека еден ден цела планета ќе биде нивна. Па вучјак не можеш вака да издресираш ко они што имаат навежбано пожарникари. И уште поважно, за што може оваа вежба да им служи на пожарникари? Изненада да не дојдат сватови со музика?

Ѓубриња сте, ама фала ви

Само во Париз и околината годишно 4500 пешаци загинуваат во сообраќајни несреќи. Кампањата што ја прават на темата се базира на нешто налик "сув тренинг за сообраќајка", извади го некого од памет, па види дали ќе памти за друг пат.

Меланија - Доналд 2:0

Работен наслов: кога ќе ја однесеш жена ти на одмор каде што не и се оди / ај да изгледаме нормални пред роднините. Меланија и во Рим му направи ескиважа на Доналд.

Така говореше Мур. Роџер Мур.

За некои луѓе ти е криво што ќе ги нема макар заминале на завидна 89 годишна возраст. Така ни е за Роџер Мур, господин човек кому некогаш му замераа што изгледа преблаго за еден таличен агент на британската кралица. Ама на едно снимање како ќофте го има претепано Ли Марвин по што овој има изјавено „Го потценив, дечкото е карпа“. Роџер Мур, со зборови. Со свои зборови. 

Само вокалот на Крис Корнел од "Black hole Sun"

Извадени гитари, басови, тапани, клавијатури и сè што прави каква било мелодија, оставен само Крис Корнел. И звучи...