Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Единствената вистинска тепачка на Брус Ли

Тврдат дека ова е снимка од единствениот вистински дуел на легендарниот Брус Ли во боречки вештини. Противник му е Тед Вонг, еден од најнадежните кунг-фу борци во тоа време. После ваква смирена супериорност, тешко се наоѓале предизвикувачи.

Пешмерга во лов на мини

Сето она што ИСИС го имаат посеано на теренот во Сирија со мини и слични приправени експлозивни направи, курдските сили секојдневно го "жнеат" со копач. Тоа што знаат дека експлозивот може да се активира само на копче, никако не го девалвира тоа дека експлозивот го корнат со копач.

Џонатан Пај за британските избори

Меј сакаше да ја дотолчи опозицијата и да формира супер јака влада, по можност со ердоганов интензитет. И доби шамар. И така според Пај, Британија се најде во позиција која е всушност најдобра за демократијата во една земја. Слаба влада, јака опозиција.

Еј животе, варалицо

Неколку фотографии внимателно одбрани со единствена намера да ви ја засилат депресијата и чувството дека животот не е фер.

Да е живо и здраво и да му расте курсот

Само да видите колку глупо изгледа оној обичај што го има и кај нас, на бебе да му се оставаат пари. А ова па конкретново, ако не собра повеќе инвестиции отколку што ќе собере Мерко, еве на.

Башар на пазар

Сирискиот претседател, лежерно облечен се замешува со народ на пазар во Дамаск. Ех, кога А1 правеше вакви прилози за Груевски, во времето кога куртоните уште не беа измислени.... 

Исходот од британските избори во неколку твитови од Гардијан

Тереза Меј бараше избори за да добие посилна и постабилна позиција во преговорите за брегзит. Првото го доби, ама не и позицијата што ја посакуваше, заврши со 13 пратенички места помалку и губење на парламентарното мнозинство. Ние го добивме меракот да уживаме во сеирот што Гардијан го удира околу изборите.

Како проаѓа жена во саудиска реклама

Рекламата е за мало семејно базенче. Оригиналната сток фотографија е со среќно и природно разголено семејство во него. Но, во финалната верзија голите торза на таткото и децата се обојуваат а најсаудиски минува мајката. Некако надуено.

Природата враќа

Посебно ако пробуваш со трактор со отворена кабина да собориш дрво.

Британија достоинствено пред избори

Суптилноста во наклонетоста кон својата опција на едни од најголемите британски весници на денот на изборите.

Морковите, кокошкиното слепило и воената пропаганда

Една од особините кои им се припишуваат на морковите е дека можат импресивно да го подобрат видот, особено ноќе. Но, ако страдате од кокошкино слепило а спас гледате во морковите, нема да се изнагледате. Приказната за оваа раширена легенда нè води до пропагандата од Втората светска војна.

Зошто копчињата на машките кошули се од десно?

Причината за тоа има врска со оружјето. А ако сте горди на својата ненаоруженост, тогаш носете го барем својот мобилен на лева страна.

Посматрање новинари што го слушаат портпаролот на Трамп

Ова може да е и олимписки спорт, со оценки за поглед, вртење со очи и слични демонстрации на неверување на сопствени сетила.

Како CNN прави сценографија за своите вести

„Го фативме CNN како прават лажни вести“, пиша на Твитер независниот новинар и филмаџија Мајк Церновиќ објавувајќи снимка од граѓанин кој уловил како новинар си ја мести сцената (ко за сликање за свадба) пред да се вклучи во програма. Донеле пар луѓе кои треба да глумат „мировно здружение“, се местат пригодни транспаренти и цвеќе, белите полицајци се тргаат за на нивно место да дојдат црни и азијатски колеги и - одиме во живо!

Што ги прави работите да се кул?

Еден од најбитните индустриски инженери на 20-от век има развиено теорија која подоцна ја потврдува и науката. Работите треба да се нови ама не премногу, бидејќи премногу ново знае да ги уплаши луѓето. Тајната во во акронимот MAYA - Most Advanced Yet Acceptable.

Карлин за зборовите

Зборовите се неутрални и невини, она што ги прави опасни е контекстот во кој се кажани и намерата со која се изречени. Патем, знаете ли дека англискиот збор „nice“ на времето значел глуп?

Каде сите грешат околу хероинот

Разбивање на неколку митови за хероин, од човек што подолго време бил интимно близок со хероинот. Што е најопасно (кога веќе си решил да се дрогираш)? Некој да ти даде посилен хероин отколку што си навикнат.

Што знае бразилска туристка што е бугарски претседател

Бразилка во Бугарија некако завршува на некоја прослава во селото Блгари. Во исто време таму да ти е и некој човек што цело време сите го сликаат, камери го снимаат и шета со обезбедување. Би било глупо да се пропушти шанса за сликање со човекот.

Репортажен камион од 20 милиони долари

Служи за преноси во живо од мега-спортски или какви било други спектакли што можат да си дозволат да го ангажираат. Работата му е да се појави на локација, да го направи преносот, да се спакува и си оди. Внатре изгледа вонзејмански и како стварно да вреди 20 милиони долари.

Здружение на граѓани "Втора шанса"

Компилација од неколку ситуации кои по сета веројатност требаа да бидат последните моменти на овие ликови, најчесто не по нивна вина, ама добија втора шанса.

Утрински хорор на работно место

Вака би изгледал почетокот на работниот ден од нашите најлоши кошмари. На сета сабајлечка накурченост и нерасонетост, да ти дојдат неколку идиоти за со мотивациска песна да ти го дигаат работниот елан. Стануваш и ги дигаш на клоци.

Како Фејсбук делува на мозокот

Разговор во реален живот нема "едит", што си кажал тоа е. Разговорот преку сè што моментално користиме (пораки, мејлови, твитови, статуси) е уредуван за да нè прикаже нас во најдоброто светло. И потоа работите почнуваат да одат на полошо.

Како од ова стигнаа до Трамп?

Џони Кеш за првпат пред публика изведува нова песна. Ни помалку ни повeќе туку Man in Black, пред да биде објавена на албум. Малку контекст: годината е 1971, виетнамската војна е во полн ек, млади војници на големо се враќаат дома во ковчези. А Кеш, ладен како надгробна плоча, на студентиве им раскажува зошто носи црно. Нема појако.