Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Кемтреилс, алуминимум и такви работи

Ова е едно од оние видеа кои ти ги пуштаат на меил со порака: „Објавете ова сите да видат и конечно да отворат очи“. Го пуштаме пошто ни е супер таа замисла, веќе утре одиме по улица,  а оно сите околу нас, со отворени очи.

Прирачник за разбирање мажи и жени

Брачен пар се вози во автомобил и во еден момент жената го прашува мажот "Сакаш да застанеме на кафе?" "Не баш," одговора тој и продолжуваат по патот. Резултат? Жената, која всушност сакала да застане, станува нервозна бидејќи се чувствува дека нејзините желби не се земаат предвид. Мажот гледа дека таа му е лута и почнува да се фрустрира: “Па што ме прашува дали ЈАС сакам да застанам?”

Точка на топење на Гркот

Според Даглас Адамс, 42 е ултимативниот одговор на универзумот, смислата на животот и сè друго. Овде, 42 е секундата од видеото на која се открива смислата на гранитно - азбестниот национален идентитет на монолитната Грција. Грк си додека е фино и топло, ама кога ќе запече газот... Отворај вратата, еба си мајката!

20 работи што ги научив од техничка поддршка

Порано или подоцна ќе налеташ на лице кое ќе го напише зборот "спејс" или ќе заборави да го вклучи компјутерот во струја. Ако не си, почекај, ќе го сретнеш.

Децава стварно не знаат да гледаат на аналоген саат

Џими Кимел решава на улица да ја тестира веста од пред некој ден дека децата не знаат да гледаат на часовник со стрелки затоа што сè околу нив е со дигитални часовници, па не им ни дошло да се потрудат да ја совладаат логиката околу стрелките.

Такер Карлсон и Либералниот шерпас

Ни на Карлсон не му се верува колку лесно се шеба оваа персона. Си ја начека како маскота и сега за свашта ја вика, а рубриката ја потпишува како „Либералниот шерпас“. Лујката прифаќа па промовира онакви „out of space“ идеи заради кои на многумина нормални им збоктиса сиот тој блок и за инает гласааа за Доналд Дамб. Шерпасот бара на факултетите да има кабини за плачење, за да можат снегулките низ солзи да го излијат стресот од себе. 

Тивкиот инфаркт на Сајлент Боб

Исповед на Кевин Смит кај Колбер за тоа како доживеал срцев удар. Со најмашка реакција на свет: преживуваш масивен инфаркт, те носат во болница а таму те фаќа срам и едно незгодно што треба да се соблечеш пред непознати луѓе.

За оние што стварно сакаат да се соочат со бикови

Помалку болно за луѓе од трчањето низ Памплона (веројатно), помалку смртоносно за бикови од корида - ползење со бикови.

Деконструиран ТЕД

Мета-предавање за сите оние предавања кога човек  оддава впечаток дека господари со темата, тотално знае што зборува, па ќе пушти слајд, па ќе направи мала шала.... Дечково ептен, ама ептен добро, ги скинал сите цаки (сосе пиењето вода и погледнување во часовник) на таквите мотивациони говоранции. Многу корисно и пресмешно.

Најважните бројки околу филмовите на Марвел

Прост пазарски есап колку пари има дадено Марвел за снимање филм, и колку пари има наплатено. Притоа ова се само пари заработени од кино влезници, значи без играчки, облека, тв права, видео игри, лиценцирање на ликовите и што и да е друго од што вадат пари. И како котира Марвел меѓу филмовите со најголема заработувачка.

Така се монтираше Афекс Твин

Авторот (Дејвид Браун) вика: Ова е најамбициозниот проект за едитирање на кој сум се нафатил и за кој ми беа потребни 4 месеци. Се започна како љубопитност а заврши со миксање и полирање на 250 видео-аудио сегменти во еден (саат ипол) клип.

Дали „омаж“ е навредлив збор за жените?

Конзервативците често знаат да дрват со својата сериозност но дури и перјаница од нивните редови каков што е Такер Карлсон станува шармантен заебант кога ќе му се напенали една ваква „либералка“ (жива греота е какви замлати го контаминираа тој поим). А таа се дала во битка да го исчисти англискиот јазик од зборот „MAN“ кој бил навредлив за нивната тоталитарна секта. А МАНчестер? А ГолдМАН сакс? „Ах, не одам јас во шопинг во Голдман“. ќе каже интелектуалката.     

Вардар филм: Први мај 1960

Репортажа од првомајската парада на плоштадот Маршал Тито во Скопје: Изминаа десетлетија во костец со огнот... како што само рацете можат, рацете на милиони и милиони во окната и леарниците.

Лајффејкер, кога мислењето на другите ви е поважно од сè

Лајффејкер е нов сајт кој за евтини пари нуди пакети со фотографии за постирање на социјални медиуми, кои ќе направат да изгледате како да имате супер интересен живот. Во понудата има пакети како „Гледај каде бев на одмор и плачи“, „Дури и моето маче / куче е посреќно од тебе“ или „Гледај што ручав“. Она што е најважно за Лајффејкер е дека е лажњак и сајт направен од стартапот за ментално здравје Санктус кој со проектот „сака да го нагласи нездравото однесување на социјални мрежи и нивното штетно влијание врз менталното здравје.“

Паниката наречена 4-то дете

Сè тоа со бременост и дете и слично е убаво, само веројатно убавото се намалува кога жена ти по 4-ти пат ќе ти остави во кујна позитивен тест за бременост. И тоа не само што се намалува, туку се претвора во комплетна паника и избезуменост, а помош ти нема. Има блицови надеж, ама ништо повеќе од тоа.

Не застанувај меѓу маж и неговата кременадла

Дечкото решил да испече кременадла и тоа да го пренесува во живо на интернет. И почнуваат да му мрчат: ја препекол, ја исушил.... А тој гори побрзо од кременадлата.

Како Нов Зеланд бара полицајци

Супер шармантен спот за регрутација на нови лица во полицијата на Нов Зеланд. Чудна некоја земја е тоа. Триста работи кажаа, партиска книшка не спомнаа.

Најзаебаните британски пабови

Малку поглед во онаа Англија која не е чај во пет, дрвење за времето и бескрајни извинувања за сè и сешто. Ништо крикет, Кебриџ, Оксфорд. Овде се заебани гости и уште позаебани газди, дрољи, пијандури, дебели стриптизети и сличен прекрасен полусвет. Овде се нашите.

Не можеме да ѝ се изнагледаме на сценава

Свекрваа и снаа кои очигледно не се трпат. Старата сака да се слика со фнузите, ама мајка им има нешто против па блокира. И сето тоа некако разбирливо за некоја балканска паланка. Ама овде фнузите се принцезите Софија и Леонор, свекрвата е шпанската кралица мајка Софија а снаата е кралица Летиција, сопруга на актуелниот шпански крал Фелипе Шести. Може за Каталонија се рчнале.

Смешната страна на Битлси

Малку промена од оние наши пејачки работници кои досега имаат песни комада еден, на утринска емисија ја навуваат песната број два а за соработниците со кои ја правеле, мртви-озбилни викаат: „Екипата која победува не се менува!“ И уште ќе речат дека не сакаат да откриваат сè, колку сите нас да нè убие огромна неизвесност. Ете, Битлси беа малку поинакви: отворени, луцидни, забавни, заебантски расположени и авто-иронични. Ама што знаеле тие...  

Синхронизација на денот

Тотални генијалци се овие од Bad Lip Reading. Тотални. Го имаат исчашено испрашувањето на Закерберг толку добро, да ти е криво што светов не е таков каков што може да биде.

Девојка на погрешен шанк

Веќе оштетена од алкохол, цурава решава дека на неа и другарките им треба уште по една тура. Па нарачува четири самбуки (италијанска мастика/узо). Статива.

Вселената мириса на изгорена кременадла

Астронаутот Крис Хедфилд стана познат по оние кул видевца што ни ги праќаше додека беше пожарен кај сошките на Меѓународната вселенска станица. Овојпат на многу разумен и разбирлив јазик зборува за некои од најраширените митови поврзани со неговата работа. Остајте нè нас што сме издвоиле за наслов (такви се нашите хоризонти), изгледајте го целото парче кое е ем интересно ем корисно.