Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Од некои вегани да ти се одјаде било што

Мала група неталентирани вегани решиле да направат драмолетка за да ги доловат поентите а нивната прехрамбена кауза и уствари да ни покажат зошто нејќеме да сме од иста со нив, по ниедна основа. Да ти падне жал за сите растенија што ги изеле додека станале вакви. 

Планета на мајмуните со мотори

Ако ви кажеме дека сега ќе погледнете видео во кое мајмунче доаѓа со мотор и пробува од клупа да киднапира детенце со пелени, нема да ни да проверите дали е тоа вистина. Тоа ви е добар став. Теоретски.

Како функционира следењето контакти

Целта на мерките е коронавирусот да се фати на кондиција и да се истошти, односно да се дојде до просек во кој еден пациент заразува помалку од еден човек. Една од мерките преку кои се прави тоа е следење контакти (другите се тестирање и дистанцирање) и во Британија тоа вака се спроведува.

Дајте му нему, вино, ракија

Во Индија продавниците за алкохол биле отворени после 40 дена катанец. Да ги погледнеме редовите од овие пресушени аџии.

Стриминг потег на денот

Дали на онлајн деловен состанок, или нa онлајн настава а најубaво во живо во дебатна емисија, ова мора некој да го направи и кај нас.

Како за ова толку знаеме а за она говно од вирус не?

Галаксијата OJ 287 е дом на една од најголемите црни дупки кои ги знаеме. Пазете ја нејзината маса - 18 МИЛИЈАРДИ пати поголема од нашето Сонце. Околу таа мрцина гравитира една помала црна дупка со 150 милиони пати поголема маса.

Жена, мајка, диктаторка

Една онион класика која фино легнува на муабетите за Северна Кореја. Прогресивните сили во светот здушно ја поздравуваат првата жена диктаторка исчекор кој го оценуваат како значајна победа во борбата за женски права и рамноправност меѓу диктаторите.

Марвел пишти од Галичник до Река

Во турската верзија на Спајдермен, тој е апла терсене дечко и се прави бербат со Јузбаши Америка и мексиканскиот пеливан Санто. А кога е ифрит, прави пуздер по родово неутрална линија. Ептен пезевенк.  

Мајкл Мур: Планета на луѓето

Дали активистите за заштита на околината паднаа на зелените илузии, кои се сè само не се зелени, и целата надеж ја насочија кон биомаси, ветерници и електрични коли? „Не постои таква количина на батерии која може да нè спаси,“ вели режисерот Џеф Бигс. Зошто од дебатата е исклучено единственото прашање кое е битно за опстанок? Затоа што тоа прашање не му одговара на профитот и на бизнисот.  

Во која фаза сме?

За четирите клучни чекори за запирање на една епидемија, од романот Беснило на Борислав Пекиќ. Роман во чија најава авторот нагласува дека „настаните се фиктивни“ а „реална е само нивната можност“. А можноста некогаш знае опасно да мутира во реалност.

Татко и ќерка against the machine

Сигурно ќе наидете на технички подобар и музички поквалитетен кавер на „Killing in the Name“ од RATM, ама попозитивен и поохрабрувачки од овој, тешко.

Брифинг со доктори: Функционираме по погрешни модели

Здравствените системи се апсолутно фокусирани и ангажирани само на една работа (ковид-19) а во меѓувреме се умира од ракови, инфаркти, високи притисоци и други критични болештини. Некаде (во Њујорк) работат со максимум капацитет а некаде (во Калифорнија) толку немаат работа што времето го попополнуваат со папирологија околу ковид-19.

Малку хардкор наука со хардкор дилеми

Дали коронавирусот воопшто не е вирус туку можеби се работи за егзозоми кои постојат во телото и течноста на белите дробови, а зголемениот број може да биде предизвикан од некој надворешен фактор: отрови, стресови, инфекции и друго (внимание: се користи и забранетиот збор 5Г) .

Лиги сами капат, прости ми

„На баровите им треба живот. На животот му требаат барови“. Вака одамна не сме биле разнежнети. 

Најлошото помина. Најлошото допрва нè чека. Што не ви е јасно?

Се пренесува исклучиво преку капки, односно со близок човечки контакт. Затоа, добро е да се перат улиците. Не, улиците треба да се перат од психолошки причини, за да не ни биде страв да излеземе. Но, посигурно е да не излегуваме, освен ако не е неопходно. Треба да се излегува заради имунитетот, но подобро е да останеме дома.

Стонси имаат нова песна после 8 години

Конечно нешто добро и од пандемијава. Да не беше таа, на старките веројатно немаше да им текне да седнат и да направат нова ствар бидејќи стадионите им беа полни иако најтазе песни кои ги свиреа беа од пред 25 години. Ете ни ја сега ‘Living in a Ghost Town’, песниште.  

Што вика колосеумот од балконите?

Погледнете го видеото. Нас толку не нè снеможи непримерената бројност на полицијата (на крај се собраа 14 џандари), не толку ни нивната бруталност, тоа што непотребно го тепаа со пендреци и газеа со цокули и додека беше на земја, што го влечекаа како крпа. Комплетно нè снеможи тоа што оваа безочност беше проследена со аплаузи од балконите. Аплаузи од примерните граѓани кои ги почитуваат одредбите. Е, натаму сме тргнале.

Како Уганда се справува со ковид-19?

Накратко: одлично. На популација од 43 милиони, имаат околу 50 пациенти. Не затоа што се гаталци туку зашто се паталци, па се имаат навежбано на претходните искуства. За земја и народ кој ги преживеале далеку посмртоносните вируси на Ебола и Марбург, ковидов е детска настинка. Ама и општо, Уганда ги руши оние глупи стереотипи за Африка како континент на хаосот. Алал им вера.   

Гости во студиото

Супер приказна за двајца будалетинки кои сфатиле дека во оние утрински/дневни емисии им е најбитно да ја пополнат програмата и минутажата и дека не прават некој професионален ветинг на гостите па почнале да се појавуваат по телевизии како експерти за јојо, готвачи, фитнес гуруа... Ех, ние какви експерти и аналитичари се изнагледавме по дебатни емисии.

Вирусот е како мислењето: секој го има

Добро, не баш секој ама колку за паралела со онаа за „мислењето е како шупак - секој го има.“ Разговор со професорот од Стенфорд чие истражување прилично ги размрда карантинските политики - дека ковид инфекцијата е многу повообичаена отколку што ја мислиме. На секој човек кој здравствениот систем го знае како позитивен на коронавирус, околу него има 50 до 80 луѓе кои го имаат истиот вирус. Ако Македонија во моментов има 1.231 регистрирани, помножете со 50 или со 80.

И сред пандемија на коронавирус се снимаат реклами

Може се исти и на излгед, и на тон, и на муабет, и личат како да се правени по рецепт, меѓутоа сепак се снимаат, а тоа во моментов е многу поважно отколку разноликоста.

Театарска лектира за изолација: Радован Трети

Кој ја гледал, да си го обнови материјалот и репликите. Кој пак не ја гледал, сега е време да го фати возот. Животот може да се проживее и без гледање на оваа претстава, ама па, глупо е.

Се собраа Апостолите!

Постојат четири типа човечки коронавирус и постојат четворица над-човечки Стоунси кои и во пандемија функционираат како и секогаш: Џегер ја носи песната, Рони ги одработува гитарите, Кит си го прчи и буричка колку за зачин a Чарли одработува смена како да работи на патарина. И тие и вирусите се имаат појавено исто време на планетава. И никој ништо не им може.

Меркел фино го тоа објасни

Германската канцеларка ја објаснува сензитивноста на моделот за ширење на пандемијата и пресудната важност на малите промени во стапките на репродукција. Што има Меркел да објаснува такви работи? Па, жената има докторат по квантна хемија. Ние за објаснувања го имаме Самка.