Владимир Путин деновиве се отвори дека по враќањето од служба во Источна Германија бил присилен да заработува за живот како возач на такси во Санкт Петербург, иако истовремено бил вработен и во канцеларијата на градоначалникот Анатолиј Собчак.
„Живеев како и сите други, ама некогаш морав да заработам екстра пари како возач на таксист,“ раскажува Путин.
Путин такси службата ја тера со Волга која ја носи од Германија. Тоа му била и приватна и „службена“ кола.
Меѓу првите извори на пари на неговата довчерашна колешка Ангела Меркел е продажба на боровинки. Во тоа време Источна Германија ги откупува боровинките со цена со субвенции од 4 марки за килограм. Истите државата на пазарот ги продава по субвенционирана цена од 2 марки за килограм. Откако ќе ги продаде своите боровинки, Меркел купувала од пазар за два пати поевтина цена и пак се враќала за да ги продаде во кооперација.
Пред 1980-те, некаде околу полнолетството, поранешниот американски претседател Барак Обама се уште е на Хаваи каде летно време се вработува во локална продавница за сувомеснати производи во која работи на правење сендвичи. Младиот Обама има и уште неколку привремени работи на Хаваи како продавач на сладолед и продавач на сувенири, а кога се префрла во Њујорк на Универзитетот Колумбија тој работи и на расчистување на градилиште.
